عاجل| تعليق ناري من عمرو أديب تعليقا على حادث المنوفية: "وزير النقل باعتلنا التعازي مع زميل!"

انتقد الإعلامي عمرو أديب أداء وزير النقل الفريق كامل الوزير ورئيس الوزراء المهندس مصطفى مدبولي، لعدم تقدمهما بواجب العزاء في وفاة 19 شخصا في حادث الطريق الإقليمي بالمنوفية.

وقال أديب خلال برنامج 'الحكاية' المذاع على قناة 'أم بي سي مصر': 'هو أيه العيب أنك تعزي الناس؟ أنا بصراحة مش فاهم أنا عمرو مش فاهم سطرين دا احنا كنا العكس كانت الناس تعزي وتشارك'.

وأضاف: 'عندنا اتنين مسؤولين عملوا شيء غريب السيد وزير النقل بعت لنا التعازي من خلال زميل في محطة زميلنا في المحطة طلع قال يا جماعة وزير النقل بيعزيكم، بعتلنا مع حد، ماشي ظروفه وفي تركيا وشغل ومش فاضي أو مفيش حاجة ماشي'.

وتابع: 'الأمر التاني رئيس وزراء مصر، لم يعزي حتى الآن أنا على فكرة مش ضده ولا حاجة حضرتك حر أكيد عندك سبب وقارك مثلا أو شايف أنه محدش يضغط عليك عشان تعزي أو المستشارين بتوعك اللي قالولك شكلك ممكن يبقي صغير قدام الناس'.

وواصل: 'سيادة رئيس الوزراء أنت راجل محترم ومن عيلة لماذا سيادة رئيس الوزراء، الخارجية الأردنية مشكورة قامت بالعزاء وأنت لسه معزيتش؟ الرئيس عزا وشيخ الأزهر عزا وأنت لا ليه؟ أنت عايز تقديري قالولك لا أوعى متعزيش'.

وأكمل: 'دا واجب عليك إذا مكانش رئيس وزراء مصر يعزي بالمناسبة عايز أقولك معلومة عشان أنا بحبك أنت لو عزيت كمان عشر دقائق ملهاش لازمة خلاص الحاجات دي ليها توقيت ولا ليها لزمة ولا تساوي عند الناس حاجة'.

واختتم: 'أيه الحكاية يعني أيه العند بتعند مع مين؟ مع 100 مليون طبطب يا أخي عليهم قولهم أحنا بصدد أننا نشوف مسألة الطرق دي دانت مهندس وأنا استني رأيك انت قبل رأي وزير النقل أنت قاعد على الكرسي اللي كان قاعد عليه النحاس أيه مش فاهمك وزعلان عليك دا مش أنت أبدا'.