مفيش شغف بانضمامه ..تعليق صادم من شوبير على صفقة بن رمضان

علق الإعلامي أحمد شوبير على حالة عدم الاهتمام من جانب جماهير الأهلي لأنباء توقيع الدولي التونسي محمد على بن رمضان مع الفريق.

وقال أحمد شوبير في تصريحات إذاعية اليوم الثلاثاء: “موضوع محمد بن رمضان كل المؤشرات بتقول إنه مضى في الأهلي والسنة اللي فاتت كانت كل الصفحات تقول لك محمد بن رمضان، والدنيا مقلوبة والجماهير في كل حتة بتسأل، المرة دي الناس بتقول وقع للأهلي بس مفيش حتة الحماس والشغف اللي كانت موجودة السنة اللي فاتت، مع الوضع في الاعتبار طبعا إن جمهور الأهلي زعلان”.

وأضاف شوبير: “عندي وجهة نظر هنا مهمة وهى إن الصفقات طبقا للاحتياجات مش بالشعارات مين في الدنيا يقدر يكلم على جراديشار أو أشرف بن شرقي أو تريزيجيه أو لما الزمالك جاب عبدالله السعيد لاعيب ممتاز وأفاد فريقه طبعا”.

واختتم حارس الأهلي السابق: “أنا شايف إن المهم لأي فريق شوف احتياجاتك أيه غير إن الأهلي جاي له مدرب أجنبي جديد خلال أيام وهيكون له وجهة نظر في اللاعبين والاحتياجات”.