أحمد موسى يرد على شائعات تقاضي مصر أموالا مقابل دخول مساعدات غزة

عبر الإعلامي أحمد موسى عن استيائه من الشائعات التي نشرها أحد المواقع الإلكترونية البريطانية والتي أشارت إلى تقاضي مصر أموال مقابل مرور شاحنات المساعدات إلى قطاع غزة.

وقال موسى خلال برنامج 'على مسؤوليتي' المذاع على قناة 'صدى البلد': 'مصر متبخدش فلوس من حد مصر بتراعي ربنا وبتقدم كل اللي عليها رغم ظروفنا وأزماتنا الصعبة وإحنا 120 مليون عايشين على أرض مصر'.

وأضاف: 'ناخد فلوس من حد إزاي يعني؟ هو ده كلام يعقل؟ لما تسمع حاجة زي كده تصدقها؟ تصدق أن بلدك بتاخد فلوس عشان تعالج حد أو تدخل شاحنة أو تخرج حد والله عيب والموقف الإنجليزي ميديل إيست أي وأنا أتكلمت عنه سنوات طويلة لحد ما قلت مش هتكلم عنه تاني لانه واخد توجه ضد مصر'.

وتابع: 'إحنا كشفنا الموضوع من بدري وانا من سنوات اتكلمت عن الموقع ده من عشر سنين وأكتر أنه بيستهدف الدولة المصرية من ساعة ما اتعمل اتعمل عشان مصر وكل الشائعات والاكاذيب بتطلع من عندهم وبعدين يخدوه مثلا كأنه مرجعية وهو بينشر شائعات ويقولك ابواق التنظيم الدولي الاخواني مع قنوات أخرى عارفين نفسهم نشر موقع كذا وهما مرتبين مع بعض كأن الموقع عنده اخبار كويسة'.

وواصل: 'مفيش على الموقع أي خبر حقيقي، ليه كل دول يجروا يقولك الحق قال، الموقع غير مصدق وينشر شائعات عايز شائعه؟ قول عليها شائعة اللجان والقنوات بتاعتهم بتاخد وتقولك نشر'.

وأكمل: 'الدولة المصرية حد يقول تاخد الا واحد بيخون البلد أو عايز كالعادة يستهدف الدولة وعايز يشكك في إجراءات الدولة المصري، بتوع حماس النهاردة حطوا علم مصر على المنصة النهاردة ودا رد من غير ما يقولوا'.

وذكر: 'هما عارفين أن مصر دولة شريفة ودورها لا غنى عنه واللي احنا بنشوفه ده جهد مصري كبير مع اشقائنا القطريين طبعا مع حماس عشان نصر للمشهد ده واحنا في الاخر عايزين مصلحة عامة والكل يبص لمصالح الشعوب والأوطان أهم من مصالح تنظيم أو فصيل والجميع النهاردة شغله الشاغل الوطن'.

واختتم: 'إذا بلدنا النهاردة بتعمل كل ده وتجد في محاولات أيضا للتشكيك، من الحاجات الجميلة اللي تخلي كل واحد فينا عنده قراءة للمشهد كل ما كنا نتكلم عن تنظيم الاخوان الإرهابي يقولك هو مفيش غيرهم، طيب شوفتوهم الأيام اللي فاتت وهما متحالفين مع الصهاينة والتحالف القوي مع الإعلام الصهيوني ونفس اللي بيتكتب في الاعلام الصهيوني بيرددوه؟'.