اخبار مصر
موقع كل يوم -صدى البلد
نشر بتاريخ: ٢٢ أذار ٢٠٢٥
أثار الفنان محمد التاجي، حفيد الفنان القدير عبد الوارث عسر، جدلًا واسعًا بتعليقه اللاذع على إطلالة الفنانة نورين أبو سعدة، معبرًا عن استغرابه من ملابسها وطريقتها في الظهور، قائلاً: يا جماعة، اللي فاهم اللبس ده يفهمني'.
وأضاف التاجي خلال مشاركته في برنامج 'خط أحمر' الذي يقدمه الإعلامي محمد موسى على قناة الحدث اليوم،: 'أنا حتى مش عارف هي بتشتغل إيه بالضبط! قالوا لي إنها مثلت، لكن بصراحة أنا ماعرفهاش، وسألت نفسي فين أهلها؟ إزاي حد يخرج من بيته كده؟'
كما تساءل عن خلفيتها الفنية قائلًا: 'بيقولوا إنها كانت في فيلم (الحريفة)، بس اللي أنا فاكره عن الفيلم حاجة مختلفة تمامًا.. مش معقول تكون هي'
ثم واصل هجومه قائلاً: 'أنا بس عايز أعرف باباها ومامتها فين؟ إزاي يوافقوا إنها تنزل من البيت بالشكل ده، حتى البواب شافها إزاي؟'.
وأثارت تصريحاته حالة من الانقسام على مواقع التواصل، حيث اعتبر البعض أنه يدافع عن القيم الاجتماعية، بينما رأى آخرون أن تعليقاته هجوم مبالغ فيه على حرية الآخرين.
