ريم طارق تتراجع عن الاعتذار لـ حسن شاكوش: كانت لعبة عشان أخد حقي

خرجت طليقة حسن شاكوش، ريم طارق عن صمتها مرة أخرى بعد انتشار مقطع فيديو اعتذارها عبر منصات التواصل الاجتماعي خلال الساعات القليلة الماضية، لتوضح حقيقة اعتذارها لطليقها حسن شاكوش وحصولها على حقوقها الشرعية.

وقالت ريم طارق في مقطع فيديو عبر حسابها الرسمي بموقع «إنستجرام»: «كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل إلا بعد ما المشكلة تخلص».

وأضافت ريم طارق ردا على الإعلامية رضوى الشربيني: «بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا»،

وفي وقت سابق، علقت ريم طارق، طليقة حسن شاكوش على انتهاء أزمتها معه وحصولها على حقوقها الشرعية عبر حسابها الرسمي بموقع تداول الصور والفيديوهات «إنستجرام»، مشيرة إلى أنها تتمنى السلام للجميع.

ونشرت ريم طارق مقطع فيديو تعتذر من خلاله لطليقها حسن شاكوش عبر حسابها الرسمي بموقع إنستجرام، وعلقت: «اللهم لك الحمد الموضوع خلص على خير ودا اللى كنت بتمناه من البداية خراب البيوت وحش ومش ترند ده أبغض الحلال عند الله الطلاق اجتنبوا كثيرا من الظن أن بعض الظن آثم ربنا ما يكتب على أى حد التشتيت أو تفريق القلوب ربنا يكتبلنا الخير ويعوضنا فى الجاى ويبعد عنكم جميعا خراب وهدم البيوت».