هيدي كرم تكشف كواليس صـ ادمة عن مرض نجلها.. فيديو

تحدثت الفنانة هيدي كرم لأول مرة، عن تفاصيل مرض ابنها «نديم» الذي اكتشفته أثناء تصويرها عمل كوميدي.

قالت هيدي كرم خلال تصريحات تلفزيونية: «جالي فيلم جوازة توكسيك، وفي اليوم اللي روحت أقابل فيه المخرج محمود كريم والمنتج، اكتشفت إن ابني عنده مشكلة كبيرة جدًا في الكلى».

وأضافت: «اكتشفت أن نديم عنده تضخم في الكلية الشمال ويمكن يشيلها، وعندنا مشاكل وتعقيدات رهيبة، وهيدخل يعمل عملية كبيرة وحاجة صعبة جدًا».

واستكملت هيدي كرم: «أنا قِبلت الفيلم لأن اللي حصل إن نديم الدكتور قاله هنأجل العملية لوقت رمضان، وكنا بنصور قبل رمضان ولقيت عندي وقت أدخل أصور أول جزء من الفيلم».

واختتمت: «وده كان من الأيام اللي كنت ساعات أدخل أعمل مشهد كوميدي وأطلع أعيط وأنهار في الكارفان، وكنت أعيد الميك اب.. كانت أيام صعبة أوي أوي بالنسبة لي».

كما كشفت الفنانة هيدي كرم موقفها من العمل مع الفنان محمد رمضان، وردت على انتقادات لقب «نمبر وان»، وقالت «أحب أشتغل معاه جدًا.. اللي ينكر نجومية وذكاء وإصرار وتطور محمد رمضان يبقى بيضحك على نفسه».

وتابعت: «أنا معنديش مشكلة مع محمد رمضان لا على المستوي الفني أو الشخصي، بشوفه شخص لطيف جدًا في الأماكن العامة وحبوب جدًا بيتصور مع كل الناس وباله طويل ابتسامته دايمًا عريضة وبيتعامل مع كل الناس في الشارع المصري بكل مستوياتهم بحب واحترام، فالحقيقة أنا شخصيًا معنديش مشاكل مع محمد رمضان هو نجم كبير وأي حد يتمنى يشتغل معاه».

واستكملت هيدي كرم: «ليه كل الناس اعتبرت أغنية نمبر وان أن محمد رمضان واخدها على نفسه!، ممكن أي حد يغنيها على نفسه ويقول إنه نمبر وان، هو عنده طريقة يقصدها وهي ذكاء منه فيها شوية استفزاز بس تمام، ولكن في الآخر ليه منعتبرش محمد رمضان مثال للنجاح اللي من تحت لفوق».

واختتمت: «ليه مشوار محمد رمضان منعتبرش أنه إلهام ليك إن كل شئ ممكن لو الواحد عنده الإصرار والعزيمة، ليه نشوف إن محمد رمضان بيستفزنا؟! ليه منشوفش إنه بيدينا مثل، وكل واحد يشوف الموضوع بنفسيته، وكل نجوم العالم الكبار مستفزين».