قبل الحكم عليه.. ضحية التحرش من طبيب التجمع: لمس أماكن حساسة بجسدي

تصدر بعد ساعات قليلة، محكمة جنايات القاهرة حكمها على طبيب جلدية متهم بـهتك عرض فتاة داخل عيادته بالقاهرة الجديدة.

وتستعرض “الدستور” أقوال المريضة، المجني عليها، التي سردت في تحقيقات النيابة تفاصيل هتك الطبيب عرضها بعد استغلال مهنته.

قالت المجني عليها في تحقيقات النيابة العامة: 'كنت تعبانة بمرض جلدي، ورحت لطبيب جلدية بالتجمع، وبعدين كان المفروض الشهر اللي بعده أروح أزوره ولكن معرفتش أروح عشان كان عندي شغل كتير فروحتله يوم 15 مايو 2024، عشان أعمل متابعة ولما روحت كان فيه ناس كتيرة مستنية في العيادة، ولما دخلت العيادة روحت الريسيبشن وقولتلهم إني عندي معاد واستنيت لحد ما دوري جه'.

وأضافت: بعدها دخلت الأوضة اللي فيها الدكتور، وهو كان لوحده، وأول لما دخلت قاللى أنا حاطك في أول الكشف وإنتي اولوية بالنسبالي، وأنا حبيت أشوفك الأول، فقولتله أنا معنديش أي مواعيد النهاردة ومكنش لازم تعمل كده، فرد عليا وقاللي إنتي مش مريضة عادية عندي إنتي مهمة أوي بالنسبالي، وده كان كلام غريب أوي بالنسبالي، وطلب مني إني أقعد على السرير، فقولتله إن ظهر عندي مشاكل تانية حبوب في كف إيدي، ومش عارفة أعمل إيه، وبدأ يفحص إيدي فاقترح إني أجي أعمل إيدي وأعالجها وقت تاني'.

وتابعت: أنا قولتله لا لازم أعالجها عشان فيها ألم جامد، فقالي لا.. عشان أعالجها هندخل غرفة تانية هنا عشان نعمل عليها كي، وطلب مني إني أفضل مستريحة في الاستراحة لحد ما يجهزوا الغرفة، وبالفعل طلعت وفضلت مستنياه لمدة ربع ساعة في الريسيبشن، لحد ما جات واحدة من التمريض قالتلي الغرفة جاهزة واتفضلي أدخلي'.

واستطردت: 'لما دخلت الغرفة الدكتور لمس أماكن حساسة من جسدي دون رضايا، وبعدها بيوم بعت رسالة للعيادة، وقولتلهم إن الدكتور تحرش بيا ومحدش رد عليا، وبعدها بيوم لقيت الدكتور بيكلمنى على تطبيق واتس اب، وبيقولي إنه معملش حاجة، وإنه مش قصده يلمس أماكن حساسة من جسدي'.

وكشف أمر الإحالة قيام طبيب جلدية بهتك عرض المجني عليها “كاثرين. ج”، بالقوة بأن قام حال توقيعه الكشف الطبي عليها بكشف ملابسها حتى ظهرت عورتها، مستطيلًا بيديه إلى مواطن عفتها علي النحو المبين بالتحقيقات.