عرافة| سبب غريب وراء قطيعة العندليب والموجي.. إيه الحكاية؟

كشف الموسيقار يحيى الموجي، عن تفاصيل جديدة عن علاقة والده الموسيقار الراحل محمد الموجي، بالعندليب الأسمر الراحل عبد الحليم حافظ، وسر خصومتهما التي استمرت لـ 7 أعوام، بجانب حديثه عن بداية الهضبة عمرو دياب معه.

وخلال لقاء مع الإعلامية ياسمين عز، في برنامجها كلام الناس، والمذاع عبر قناة إم بي سي مصر، قال يحيى الموجي : 'كنت بشوف عبد الحليم حافظ طول الوقت في البيت، ونجاة وغيرهم وأخدت خبرة، والدي وعبد الحليم عاشوا صداقة طويلة وكان بيعاقبنا على درجاتنا في المدرسة بدل والدي، وفيه عرافة قالتله مرات محمد الموجي عاملة ليك عمل، وقاطعوا بعض هو ووالدي لمدة 7 سنين، ووالدتي كانت السبب في مصالحتهم.

وعن نصيحة والده له في عزف الموسيقى، قال يحيى الموجي: بدأت أعزف عود وكل شوية والدي كان بيدخل يلاقيني ماسك العود يقولي مين اللي علمك؟ ودي كانت فطرة وموهبة مش عادية وأنا عندي 9 سنين، ودرست توزيع موسيقي، ووالدي قالي العود مش هيفيدك في حاجة وخليك في الكامنجا وادرس الحاجة اللي اتحرمت منها أنا.

كما تحدث الموسيقار يحيى الموجي، عن بداية الهضبة عمرو دياب الفنية معه، قائلًا: كنت في المعهد مع عمرو دياب، وعملت فرقة موسيقية صغيرة وكنا بنطلع حفلات وكان بيطلع معانا وبدأت العلاقة من هنا وبعدين فكر يعمل ألبوم، وكان نفس الفشل بتاع عبد الحليم والموجي، وبعدين كبرنا مع بعض وعملنا نجاحات كتير وفضلنا 40 سنة رقم واحد، وعمرو دياب هو عبد الحليم حافظ العصر ده، نفس الذكاء والكاريزما ومبيطلعش في برامج كتير زي عبد الحليم حافظ والشباب بيقلدوه.