الرئيس السيسي: مصر بفضل الله بخير وقدرات الجيش كفاية للدفاع عن بلدنا

قال الرئيس عبدالفتاح السيسي: «حبيت أقولكم إن بلدنا بفضل الله بخير، وقدرات الجيش كفاية للدفاع عن بلدنا، مش عشان نعمل حاجة ضد حد، وهل كان من المطلوب نجيب أسلحة للقوات المسلحة خلال العشر سنوات اللي فاتت؟، أنا مش هجاوب على السؤال ده خالص، ومش عشان الحرب اللي موجودة دلوقتي، لكن لازم تعرفوا إن الحفاظ على قوة الدولة الشاملة بكل معانيها سواء القوة العسكرية أو الاقتصادية والثقافية والوعي أمر مهم ونشارك فيه كلنا، لا بد أن تبقى القوات المسلحة والشرطة في أعلى جاهزية وقدرة لحماية البلد».

وأضاف الرئيس السيسي خلال كلمته في الندوة التثقيفية للقوات المسلحة، التي عرضتها قناة إكسترا نيوز: «المهم الذي أثبتته كل الأحداث أنه طول ما الشعب المصري متماسك؛ أي حاجة تانية هتتقضي، إلا إن البلد تتعرض لتحدٍ خطير يفقدنا كل الجهد اللي إحنا بنبذله للحفاظ عليها وحماية وشعبنا».

ولفت الرئيس السيسي إلى الفترة من 7 أكتوبر 2023 وحتى الآن، قائلا: «عاوز أقولكم إن فيه كتير من الأمور المتشابهة بين ما يحدث من اضطراب وأزمة كبيرة، وما بين اللي إحنا كنا بنقول عليه إن إيجاد حل للقضية الفلسطينية وإعطاء أمل للشعب الفلسطيني في دولة مستقلة عاصمتها القدس؛ سيكون له أثر كبير جدا في كل شعوب المنطقة بلا استثناء؛ تعيش في أمن وأمان وسلام وندخل في مرحلة جديدة للغاية عما كنا فيه».