مركب أسلاك شائكة على وشك.. رسالة فريدة سيف النصر إلى حسن الهلالى

وجهت الفنانة فريدة سيف النصر رسالة قوية إلى حسن الهلالى، الشهير باسم “شنبو”، بعد هجومه على حسين فهمى، رئيس مهرجان القاهرة السينمائى الدولى، بسبب تعامل البعض معه فى المهرجان بطريقة غير لائقة طبقا لروايته.

وقالت فريدة سيف النصر، عبر صفحتها على موقع التواصل الاجتماعى “فيسبوك”: “بلطجة في محفل دولي رسمي، اللي حصل من الممثل الهلالي في مهرجان القاهرة وعلى الريد كاربيت شيء بلا شك مأجور جدًا مهما حاول أي حد ينفي، انت في الفيديوهات بتقول في العزاء مارضيش يبوسك.. يبوس مين وفين؟ انت أصلا مركب أسلاك شائكة على وشك.. هو في إيه بالظبط”.

وأضافت فريدة سيف النصر: “يا حظك إني مكنتش هناك، وبعدين تروح المهرجان تعمل الحبة دول، إيه دخل العزاء في المهرجان، المفروض انت ذكي والباقي أغبياء، نختصمك عند النائب العام، انت قليت أدبك على رئيس مهرجان القاهرة الدولي أولًا ودي كارثة في مكان عمل، وثانيًا النجم الخلوق حسين بك فهمي واضح الجهة اللي زقاك جدًا”.

وأوضحت: “نرجو من السادة المسئولين عقاب رادع ومن نقيبنا المحترم التصرف العاجل.. بلا قلة قيمة.. والصوت العالي مش عندنا الكلام ده ولا بياكل، وفي مهرجان دولي كمان وكل ده علشان الحلو عايز يتباس.. ومن أمن العقاب أساء الأدب، بلا قلة تقدير وبلطجة.. ده تصرف تحت بند بلطجة في مكان عام، وفيه فنانين وصحفيين أجانب، بتصدر إيه يا هلالي للخارج؟ الناس تخاف تيجي عندنا؟ لاااا خاف انت وخاف بجد، أنا غضبانة جدًا واتقي شر الحليم”.