مصطفى بكري يكشف تفاصيل ضبط الرقابة الإدارية لقضية فساد كبري

كشف الإعلامي مصطفى بكري تفاصيل ضبط جهاز الرقابة الإدارية لقضية فساد كبرى متورط فيها ثلاثة مسؤولين بالمحليات.

وقال بكري خلال برنامج 'حقائق وأسرار' المذاع على قناة 'صدى البلد': 'جهاز الرقابة الإدارية ألقى القبض خلال الأيام الماضية على 3 قيادات محلية كبري ودلوقتي بيتحقق معاهم أولهم سكرتير عام محافظة كبرى وشهيرة وكان رئيس حي شهير أيضا في هذه المحافظة'.

وأضاف: 'الكلام تردد حول وجود رشاوي ومخالفات مقابل تسهيل حاجات مخالفة للقانون، الشخصية التانية رئيسة حي بردو في نفس المحافظة الشهيرة كانت رئيس حي راقي وأيضا كانت ضمن القضية'.

وتابع: 'الشخصية التالتة كان بردو رئيس سابق لنفس الحي في هذه المحافظة الشهيرة وتم ترقيته لمنصب سكرتير عام مساعد لمحافظة أخرى والحقيقة أن جهاز الرقابة الإدارية الذي يتمتع بالدقة والانضباط كان بيتابع القضية منذ فترة طويلة ولما امتلك الأدلة الدامغة تحرك على الفور وألقى القبض على القيادات الثلاثة'.

وواصل: 'ازاي رئيس الحي السابق اللي اترقى وأصبح سكرتير عام مساعد لمحافظة شهيرة ازاي اترقى مع أنه في الفترة دي الموضوع كان يتابع ومعروف هل بعض الناس بترقى ناس دون الرجوع للأجهزة المعنية عشان تاخد رأيها؟ في غفلة كده يودي فلان وازاي رئيس حي كان يتابع وفجأة يترقى'.

وأوضح: 'النيابة العامة بتحقق والاسماء عندنا ولكن هنحترم تحقيقات النيابة العامة والنيابة العامة لن تتردد في إعلان القضية واللي عايز أقوله متقلقوش أجهزتنا الرقابية مش ساكتة وبتتابع الفاسدين في كل مكان'.

واختتم: 'اللي عايز أقوله إن المحليات فيها من الفساد والمشاكل الكثير ولازم يتم غربلة هذا الجهاز، والرقابة الإدارة السيد اللواء عمرو عادل مش ساكتين وفي متابعة مستمرة وجهاز مباحث الأموال العامة مش ساكت'.