زوجي مات مقهورا.. بدرية طلبة تنهار من البكاء.. ما السبب؟

قالت الفنانة بدرية طلبة إن زوجها توفي مقهور بسبب المسرح الذي كان يمتلكه مشيرة إلى أنه كان “حنين على بناته أكثر منها”.

وأضافت بدرية طلبة خلال استضافتها عبر برنامج «أسرار» من تقديم الإعلامية أميرة بدر عبر قناة النهار: «زوجي كان عايز يموت والسبب إنهم أخدوا منه المسرح وهنا أخدوا منه روحه والسبب كان فيه مشاكل بالمكان اللي مأجرين منهم المسرح، وهما شايفين أن ده حقهم وهو شايف إنه مش حقهم وكانت مشاكل كبيرة لكنه راح وساب كل حاجة واللي عرفته مؤخرا أن الحاجه اللي جوة المسرح اخدوها وباعوها وهي ملكة وهناك قضايا مرفوعة ومحدش يعرف إنه اتقهر بسبب المسرح راح منه.

وأكملت: «هو قريب من بناته أكتر مني وحتي لو منفصلين لا تفكروا إنني مش حنينة عليه أو أزعل عليه ده اللي بيموت عنده قطة بيزعل عليها، إيه الجبروت اللي عند الناس ده، وبعدين تجدي أسئلة هو إنتي مش زعلانة، وسؤال تاني عن العدة، عدة إيه، العدة في الشنطة انتوا بتستعبطوا، هو انتوا عايزيني أقعد في بيتي، ده اللي بيلاقي حد قاعد في بيته مكتئب وزعلان بيقولوله انزل اخرج في النهاية انتوا مالكم أعمل اللي أعمله».