اخبار مصر
موقع كل يوم -الأسبوع
نشر بتاريخ: ٢٣ تشرين الثاني ٢٠٢٤
كشف الفنان عمرو مصطفى، عبر حسابه الرسمي بموقع التواصل الاجتماعي فيسبوك، تفاصيل بداية مشواره الفني مع الملحن محمد رحيم، وذلك بعد رحيل الأخير عن عالمنا صباح السبت دون الكشف عن أسباب الوفاة حتى الآن.
وكتب عمرو مصطفى، عبر حسابه على فيسبوك، كاشفًا عن ذكريات مشاركة محمد رحيم، له في مشواره الفني، قائلا: «فاكرين أيام الجامعة، كنت طالب في كلية الحقوق جامعة القاهرة، وعمري ما تخيلت إن الموهبة اللي عندي ممكن تاخدني في طريق مختلف تمامًا».
وأضاف عمرو مصطفى: «في يوم من الأيام، سمعت عن شركة اسمها سونار، وقدمت فيها موهبتي لأول مرة، وهناك اتعرفت على شخص موهوب اسمه محمد رحيم».
وتابع: «في البداية، ما قبلوناش، بس فضلنا نحلم ونجتهد.بعد فترة، كل واحد فينا شق طريقه، وبدأت تظهر المنافسة الشريفة بينا. محمد بدأ بأغنية مع مطرب كان معروف الوقت ده، وأنا تبعته بسنة بأغنية مع نفس المطرب».
وأردف: «الجميل في الموضوع إن المنافسة كانت بتخلينا نطلع أفضل ما عندنا، وكنا دايمًا بنحترم بعض. وفي يوم، لما التقينا في باريس، ضحكنا على الذكريات، واتفقنا إن صداقتنا أهم من أي منافسة».
واستكمل: «لكن النهاردة، فقدت صديق ومنافس كان جزء كبير من رحلتي. محمد رحيم مش بس كان موهبة عظيمة، لكنه كان أخ وصديق حقيقي، يمكن المنافسة خلصت، لكن الذكريات والموسيقى اللي عملناها مع بعض هتفضل موجودة للأبد».
وفي وقت سابق، هاجم عمرو مصطفى خلال لقائه في برنامج حبر سري، قائلا: «بحب محمد رحيم جداً بيتميز بنوع من الموسيقى عنده تيمه حلوة وديما فيها شعبية وذكاء، وهو من الملحنين اللي بحبهم وينتظر شهادتي جداً، وأنا بحب مهاجمة محمد رحيم عشان بتضحكني».
ورد محمد رحيم على عمرو مصطفى، قائلا: «وهكشف حقيقتك وارجع حق كل الناس اللى جيت عليهم واذيتهم واللى أنا ساكت عليه طول السنين اللى فاتت بجد هصدمك بيه أعوذ بالله من الغيرة والحقد اللى جواك من ناحيتي مش عايز تطلعني من دماغك أبدا طيب قابل بقى يا ملحن الترابيزة يا جاحد يا أبو كرد واحد».
