نهضة مصر

اسمحولي قرائي الأعزاء التحدث بالعامية في هذه المقالة، محاولات كتيرة من الإعلام عشان تحسين بعض ألفاظ الناس البذيئة، ومحاولات كتيرة من الإعلام عشان تحسين أخلاقيات بعض الناس، ومحاولات كتيرة عشان تحسين تعاملات الناس مع بعض، ومحاولات كتير عشان تقليل التنمر في المدارس، ومحاولات كتير عشان الطلبة تتحسن في التعليم ومحاولات ثم محاولات ومحاولات كلها لنهضة مصر.

لكن عشان تنهض مصر لازم إيد كل مصري في إيد أخوه المصري، المحاولات حتنجح بس لو كل واحد ابتدا بنفسه.

عليك إيه؟

1- لو مدرس اهتم بجد بالطلبة وتعليمهم في المدرسة مش بس بالدروس الخصوصية، واعتبرهم ولادك.

2- لو طبيب اهتم بمرضاك كلهم زي بعض مش بس بالمرضى في عيادتك الخاصة، واعتبرهم أهلك.

3- لو محامى دافع عن الحق مش عن المادة.

4- لو مهندس اهتم بعملك أيا كان عشان متتسببش في ضرر لحد.

5- لو موظف اهتم برعاية مصالح الناس وابعد عن الروتين المعطل.

6- لو مواطن مترميش فى الشارع وكف الأذى عن الطريق، وكن بشوشا، وأحسن لوالديك وأقاربك وجيرانك، وتصدق للفقير، وزور المريض، وراعى اليتيم وصل رحمك، واحترم الكبير واعطف على الصغير، واخفض صوتك، ولا تتكبر بنعم الله عليك على أحد، وراعى أسرتك وزوجتك وأبناءك وهكذا المرأة تراعى زوجها وأبناءها.

7- بلاش يكون كل همك تجمع فلوس بس، ولادك محتاجينك وأهم ليك، وابعد عن أى مصدر غير سليم لكسب الرزق، وابحث عن مصادر الرزق الحلال الطيب.

8- وأهم مما مضى مراعاة الله في كل أمور حياتك فهي نور طريقك تمسك به.