«كان طبيعي ومش بيتعاطى مخدرات»|شهادة من إحدى طالبات حادث الجلالة بشأن سائق الأتوبيس

كشف شقيق إحدى الطالبات المصابين بحادث طريق الجلالة، تفاصيل تتعلق بما عاشته أخته خلال الحادث، والسبب الحقيقي وراء وقوعه.

وقال عبر حسابه الشخصي على موقع التواصل الاجتماعي فيسبوك: “حمد لله بعد أكتر من 22 ساعة رجعنا البيت 'ودينا شقيقته الطالبة المصابة' معانا الحمد لله كويسة وبخير نحمد ربنا”.

وتابع: “علشان أبرئ ذمتي من ربنا فيه ناس بيحاولوا يشيّلوا السواق الموضوع علشان يحافظوا على نفسهم، من خلال كلام أختي السواق كان طبيعي ومكنش ماشي بالسرعة الجنونية اللي بيقولوا عليها، كل اللي حصل إنهم وهم في الطريق شموا ريحة شياط في الباص، ولما حاولوا يقولوا للسواق السواق كان بينكر علشان ميسببش حالة ذعر بينهم، ولكن لما السواق حاول يدوس فرامل علشان يعرف يدخل الملف الفرامل فصلت منه، وكان قدامه حل من اتنين، إما مش هيعرف ياخد الملف بسرعة دي ويقع من على الجبل، أو إنه يقلب الأتوبيس على الجنب التاني علشان ميقعوش وده اللي حصل”.

واختتم شقيق طالبة جامعة الجلالة المصابة: “قبل ما يقلب الباص نده على كل اللي في الباص، وقالهم امسكوا كويس علشان هنقلب الباص على الجنب البعيد عن الجبل، وكان لازم الموضوع ده يتحكي بالتفصيل، لأنها كل ما تحصل حادثة التفاصيل ما بتبقاش كاملة، وخصوصًا بعد خبر إن السواق كان بيتعاطى مخدرات، لكن السواق كان باين في حالة طبيعية”.

كشف حسام عبدالغفار المتحدث الرسمي باسم وزارة الصحة والسكان، آخر تطورات مصابي حادث الجلالة، مشيرا إلى أن هناك 19 مصابا تماثلوا للشفاء وغادروا المستشفى.

وأضاف المتحدث الرسمي باسم وزارة الصحة والسكان، في مداخلة هاتفية مع الإعلامية فاتن عبد المعبود، مقدمة برنامج صالة التحرير، المذاع عبر قناة صدى البلد، مساء الثلاثاء، ان استمرار تقديم الرعاية الطبية لباقي المصابين والبالغ عددهم 22 حالة بمجمع السويس الطبي.

وتابع حسام عبدالغفار المتحدث الرسمي باسم وزارة الصحة والسكان، ان مجمع السويس الطبي التابع لهيئة الرعاية الصحية استقبل 36 حالة، وذلك جراء حادث انقلاب أتوبيس على طريق الجلالة-العين السخنة، وعلى الفور قامت الفرق الطبية بالمجمع بالتعامل الفوري مع المصابين .