«قلبت على الرجالة».. ياسمين عز لـ الأزواج: «امسح دموع مراتك بـ 100 دولار» (فيديو)

وجهت الإعلامية ياسمين عز رسالة إلى الرجال المتزوجين بشأن طريقة إرضاء زوجاتهن عند بكائهن.

وقالت ياسمين عز، خلال تقديمها برنامج «كلام الناس» المذاع عبر قناة «ام بي سى مصر»: «أما مراتك حبيبتك تعيط ودموعها تنزل على خدها، ماتديهاش منديل، لغوا المنديل خلاص.. امسح لها دمعتها بـ 200 جنيه أو 100 دولار».

وتابعت ياسمين عز: «لو أنت شغال عادي امسح الدمعة بفلوس مصري، ولو شغال في شركة بترول يبقى بالدولار».

ووجهت ياسمين عز، نصيحة للسيدات قالت فيها: «مش بيقولك دموعك غالية عندي خليه يدفع بقى.. هي بتقبل الكاش أو الفيزا عادى.. لو كل دمعة حسبناها بفلوس شوفي هتعملي كام في الشهر، وهو هيخليكي تبطلي عياط».