قا..ـتل مدير كافيتريا بمستشفى خاص بـ التجمع: مكنش قصدى أموّته | اعترافات

يواصل موقع صدى البلد نشر نص اعترافات عامل في تحقيقات النيابة العامة، في واقعة ارتكابه جريمة قتل مدير كافيه بمستشفى خاص شهير بـ التجمع الخامس.

وجاءت اعترافات المتهم في تحقيقات النيابة العامة كالآتي:' اسمي محمد م،23 سنة واعمل عامل بكافيتريا مستشفى شهير بالتجمع الخامس في القاهرة الجديدة.

س: ما تفصيلات اقرارك بشأن قيامك بالتعدي على المجني عليه ضربا والتي أودت بحياته وكذا حيازتك السلاح ابيض؟

ح : اللي حصل اني انا في يوم الواقعة رحت الشيفت بتاعي في كافتيريا المستشفى وعملت كوباية شاى وطلعت برا وطلعت برا علشان اللي في التجمع الخامس وطلعت غيرت هدومي وشوفت شغلی وبعدها حصل بيني وبين اسلام مدير الكافيع خناقة وضربته بالمطوة.

س: ما الحوار الذي دار فيما بينك وبين القائم على ضبطك ؟

ج:'ضابط الشرطة سالني على بطاقتي وانا جبتهاله وبعدها سألني على المطواه اللي كانت معايا قولت له انا رميتها من الميكروباص بعد الواقعة، وبعدها خدني معاه على قسم الشرطة.

س: وأين تحديدا قمت بالتخلص من السلاح الأبيض الذي استخدمته في واقعة التعدى على المجنى عليه؟

ج : انا رميته من الميكروباص وكان على الطريق الدائري ومش فاكر المكان بالظبط علشان العربية كانت ماشية بسرعة.

س: وما سبب تخلصك من السلاح الأبيض الذي قمت باستخدامه في التعدى على المجنى عليه؟

ج : انا خوفت اخليه معايا وقولت أرميه علشان معملش بيه مشاكل ثانی.

س: وهل من ثمة اثار دماء للمجنى عليه على ذلك السلاح الأبيض ؟

ج: انا مخدتش بالي لاني ضربته بسرعة وحطيتها في جيبي ومطلعتهاش غير وانا راكب الميكروباص ورميتها علطول علشان معملش بيها اي مشكلة ثاني ومشوفتش النصل بتاعه اذا كان عليه دم او لاء.

س: وما هي الإجراءات التي تم اتخاذها حيالك بديوان القسم ؟

ج هما عملولي المحضر وجابوني على النيابة للتحقيق معايا.

س : وما سبب قيام سالف الذكر بالقاء القبض عليك؟

ج انا عرفت منهم انهم خدوني علشان ضربت اسلام أ. واتوفى بعد ما ضربته.

س : وهل استبينت سبب القبض عليك؟

ج : ايوة علشان انا ضربت مديري في الشغل وعرفت انه اتوفى تاني يوم، بس انا مکنش قصدی اموته.

س: وهل من اثمة تفتيش اجري لشخصك انذاك.

ج ايوة هما فتشوني

س: وما الذي اسفر عنه ذلك التفتيش؟

ج: ملقوش معايا أي حاجة ولما سألوني على المطواه قولت للظابط انى رميتها على الطريق الدائري.

جاءت اعترافات المتهم كالآتي:' اللي حصل ان انا جيت في يوم الواقعة الساعة 3:15 م في الشيفت بتاعي في كافتيريا المستشفى، في التجمع الخامس، وطلعت غيرت هدومي وشوفت شغلي على الكاشير وعملت كوباية شاي وطلعت برا عشان اشرب سيجارة في البيريك بتاعي وطلع اسلام أحمد مديري في الشغل لقاني قاعد أنا وصاحبي مصطفى أمين ،برا بنشرب سجاير، وهنا راح حط أيده على كتفي وداس عليه'.

وتابع المتهم في تحقيقات النيابة العامة،' انا قلت للمجني عليه اوعی ايدك يا اسلام علشان منموتش بعض وقولتله الموضوع هيوصل لمستر محمود لقيته بيوجه لي السب والقذف'.

وأضاف المتهم،'انا زعلت وطلعت المطواه اللي كانت معايا من جيبي اليمين وخبطه بالمطوة كذا خبطه من الناحية الشمال، وبعدها خدت بعضى ومشيت، وانا في العربية قعدت افكر هو ايه اللي انا عملته ده وكانت المطوه في ايدى والعربية طلعت ومشينا على الطريق الدائرى وقولت المطواه دى شر وروحت حدفتها من الشباك علشان معملش بيها مشاكل تاني وكانت حوالي الساعة ٩:١٥ تقريبا ووصلت البيت، وبعد كدة لقيت واحد اسمه محمد خالد زميلنا في المستشفى بيكلمني وبيقولى ان اسلام محجوز في مستشفى الجوى وعايزين حد يشوفه وإنا قولتله انا مشيت وفي البيت دلوقتي وبعدها بشوية لقيت واحد تاني بيرن عليا وبيقولي هو انت هناك في الشيفت قولتله لا انا مشيت وقولتله محمود ناصر زميلنا هناك وانا طلعت على البيت وقولت دا اکید علشان اسلام، والكل بيطبله وكلمت محمد خالد زميلي علشان اشوف ايه اللى حصل لقيته بيقولى ان اسلام في العمليات دلوقتي وبعدها شربت سيجارة حشيش علشان كنت مخنوق من اللى حصل وحوالي الساعة 5 الصبح وانا في البيت لقيت الباب بيخبط وفتحت الباب لقيت خالي ومعاه حوالي 4 اشخاص وأول ما دخلوا سالوني على المطواه اللي كانت معايا وقالولي انت عملت كده ليه وانا قولتلهم على اللي حصل وان دى خناقة بيني وبين اسلام وانا رميت المطوة وانا راكب الميكروباص ولقيته فتش البيت ملقاش حاجة واخدوني معاهم وودوني على القسم.

واستمعت نيابة القاهرة الجديدة، إلى أقوال أصدقاء مدير كافتيريا بمستشفى التجمع الخامس، الذي لقي مصرعه على يد عامل بسبب سيجارة في نهار رمضان.

وشرح أصدقاء المجني عليه، في تحقيقات النيابة تفاصيل الواقعة حيث أكدوا أنه قبل الواقعة حصل خلاف بين المجني عليه والمتهم بسبب شرب الأخير للسجائر في نهار رمضان.

وأوضح اصدقاء مدير كافتيريا بمستشفى التجمع الخامس، أن المتهم تربص للمجني عليه واستلم سلاح أبيض وهروب خلف الضحية وسدد له عدة طعنات منها طعنة استقرت في القلب.

وكانت اصطحبت الأجهزة الأمنية، المتهم بقتل مدير كافتيريا داخل مستشفى بالتجمع الخامس لتمثيل جريمته للوقوف على ملابسات الواقعة تحرر محضر وأخطرت النيابة العامة التي تولت التحقيق.

البداية عندما، تبلغ لقسم شرطة التجمع الخامس، يفيد بوجود شخص مصاب بطعن سكين بنهر الطريق شارع التسعين الجنوبي، وبالاتصال بالمبلغ ' احد المارة ويدعى رضا احمد، أفاد بنقل المصاب بمعرفة الإسعاف من أعلى الرصيف إلى المستشفى الجوى حال انتظاره لركوب احدى وسائل المواصلات والصرف من محل البلاغ وبالانتقال إلى مستشفى الجوى تبين تواجد المصاب المدعوا اسلام ا. ٢٣ سنة، مصاب بطعنة بالصدر.

ووضعت الشرطة، خطة بحث بمعرفة مدير الإدارة من أهم بنودها فحص علاقات المجنى عليه والمترددين عليه، فحص كاميرات المراقبة بمكان الحادث، مناقشة اهلية المجنى عليه واثناء السير في بنود خطة البحث وباستخدام التقنيات الحديثة وباجراء التحريات ومراجعة كاميرات مستشفى نسائم محل عمل المصاب تم تحديد المتهم مرتكب الواقعة عامل بالكافتيريا، وتبين وجود مشادة كلامية بين المصاب مدير الوردية بالكافتريا والمتهم عامل بالكافتيريا ' تطورت إلى قيام المتهم بالتعدى بالسب على المصاب وقيام المصاب بالاتصال بصاحب الكافتيريا وانهاء عمل المتهم وبمراجعة الكاميرات تبين قيام المتهم بالتواجد داخل المستشفى رغم انتهاء موعد العمل والخروج خلف المصاب لتعمده احداث اصابته وعليه بإجراء التحريات واستخدام التقنيات الحديثة أمكن ضبط المتهم مرتكب الواقعة.

وبمناقشته المتهم عن الواقعة اعترف تفصيلا بارتكابه للواقعة وقيامه بتعقب المجنى عليه عقب خروجه من العمل ومشاهدته بالطريق بمفرده فقام باستخراج سلاح أبيض عبارة عن مطواه محدث بها اصابته وفر هاربا وبمناقشته عن مكان السلاح المستخدم في ارتكاب الواقعة أقر بقيامه بالتخلص منه والقائه بالطريق الدائرى.