الكورة مفهاش رحمة.. سيد عبد الحفيظ يوجه رسالة للاعبي الأهلي

تحدث سيد عبدالحفيظ، نجم النادي الأهلي السابق، عن الهدف الذي دخل مرمى الأهلي في مباراة الزمالك بالجولة 15 من بطولة الدوري المصري الممتاز.

وقال سيد عبدالحفيظ في تصريح تليفزيوني عبر شاشة «إم بي سي مصر': 'بلوم على لاعبي الأهلي جامد في الهدف اللي دخل مرماه من الزمالك، بسبب الضغط اللي كان غايب ومكنش موجود خالص تقريبًا'.

وأضاف: 'فرقة الزمالك بتاريخها واسمها ومكانتها تخليك دايمًا تعمل حسابها، ولكن في وقت من الأوقات بتبقى مش أفضل حالتها، ولازم يكون مفيش رحمة الكورة مفهاش رحمة، وكنت عايز الأهلي يبقى قاسي جدًا'.

وأكمل: “كان لازم الأهلي يستغل الفرصة ويكسب بأكبر قدر ممكن من الأهداف، لعيبه الزمالك مش من طبيعته التمرير الكتير وأنه يعمل 42 تمريرة ده عدد كبير بالنسبة للزمالك، وبلوم على الضغط”.

وأردف: «مقدرش ألوم المدرب فقط، هو أه ليه نسبة كبيرة ولكن أيضًا اللعيبة وتراجعها كان ليه عامل كبير وأن كان لازم اللعيبة الكبيرة والخبرات توجه في هذا الوقت، وتفوق زمايلها في الملعب».