مصطفى بكري: اللي بيحصل في سوريا خطير وكأننا داخلين على التقسيم

أكد الإعلامي مصطفى بكري أن أعمال العنف في الساحل السوري خطيرة للغاية، مشيرا إلى أنها تهدد بتقسيم البلاد.

وقال بكري خلال برنامج 'حقائق وأسرار' المذاع على قناة 'صدى البلد': 'الأحداث في سوريا صعبة جدا والكل بيسأل سوريا إلى أين ولحد دلوقتي الرويات متضاربة ما بين رواية رسمية بتقولها الحكومة السورية وبين رواية المصادر المطلعة على الأحداث وشهود العيال ومقاطع منتشرة على السوشيال ميديا لأعمال عنف غير مسبوقة في منطقة الساحل السوري'.

وأضاف: 'الواقع المر أن المنطقة مشتعلة في سوريا قسد والأكراد معندهمش مانع يطلع الرئيس بتاعهم يقول مفيش مشكلة يتعاون مع إسرائيل والدروز إسرائيل تقول عليهم ورد الدروز بالرفض'.

وتابع: 'النهاردة في الساحل بيحصل أمر خطير وكأننا داخلين على تقسيم سوريا، وحدة الوطن السوري تعلوا على أي شيء وحتى الآن أكثر من 72 قتيلا بخلاف مئات الجرحى من كلا الطرفين واللي بيحصل ده قد يؤدي إلى الانفصال'.

وواصل: 'نتمنى بالفعل من كل من بيده الأمر على كافة الجبهات وحدة سوريا هي الأساس وأي خلاف قد يتحل بكرة أو بعده، ولكن وحدة سوريا هي الأساس وإياكم والتفريط في وحدة سوريا لأن إسرائيل قاعدة وهتتدخل وتسيطر وتسقط سوريا يجب أن تظل وطنا موحدا للجميع على قاعدة قواسم مشتركة كتير بيننا'.

وأوضح: 'أي قوى خارجية يجب أن ترفع يدها عن اللي بيحصل وأي قوة خارجية ليست مدعوة للتدخل اتركوا السوريين يقرروا شأنهم بالديموقراطية والحوار والحفاظ على التراب السوري وبوقف الطائفية والعنصرية والعرقية مفيش حاجة اسمها صراع بين سنة وبين علويين احنا كلنا أبناء وطن واحد'.

واختتم: 'لا داع لهذه الفرقة لأن دا اللي عايزه المستعمر ودا اللي عايزاه إسرائيل عايزين الحرب بين الشيعة والسنة والاكراد والعرب'.