عصام الحضري: أنا ومحمد صلاح أساطير عالمية ومحدش هيحطم أرقامي

أكد عصام الحضري حارس المنتخب الوطني السابق أنه يعتبر نفسه أحد أساطير الكرة المصرية عالميا، مشيرا إلى أن إنجازاته وبطولاته تقول ذلك.

وقال الحضري خلال برنامج 'العرافة' المذاع على قناة 'النهار': 'ألقابي وإنجازاتي وكل حاجة تخليني أفتخر وأقول إني الهرم الرابع، إنجازاتي وألقابي والتاريخ اللي أنا عملته يخليني أقول أي حاجة أنا معرفش حاجة اسمها ترند أنا هفضل أفتخر وأقول'.

وأضاف: 'أساطير الكرة في مصر العميد أحمد حسن أبو تريكة ومتعب وسيد معوض وعمرو زكي وزيدان كل الناس دي أساطير والكابتن حسن شحاتة أسطورة وكابتن الخطيب أسطورة'.

وتابع: 'الخطيب أسطورة في مصر والوطن العربي وأفريقيا ولكن مش في العالم كله الأساطير في العالم بالنسبة لمصر محمد صلاح وعصام الحضري والاتحاد الدولي هو اللي بيختار'.

وأكمل: 'حسام حسن أسطورة في مصر وأفريقيا والعميد أحمد حسن عشان عميد لاعبي العالم بردو، مش أنا اللي بقول الاتحاد الدولي اللي بيقول كده'.

وواصل: 'لما بقول على حاجة ببقي واثق منها ولكن مفيش حد كسر ارقامي والاتحاد الدولي علق التيشرت بتاعي والقفاز بتاعي في المتحف، وعندنا كاس عالم جاي ومفيش حد هيحطم الرقم'.

واختتم: 'أرقام كتيرة محدش يحققها كأكبر لاعب وكأكبر حارس وأول حارس أفريقي عربي يصد ضربة جزاء والسن بتاعي محدش هيحطم الأرقام دي كلها ولو حطم رقم مش هيقدر يحكم أربع أرقام ومتوقعش أن حد يعمل كده'.