اخبار مصر
موقع كل يوم -الرئيس نيوز
نشر بتاريخ: ٢٨ أذار ٢٠٢٤
أكد الممثل بيومي فؤاد؛ أنه لم يخطئ في تصريحاته التي أثارت الجدل بعد انتهاء عرض إحدى مسرحياته في موسم الرياض بالمملكة العربية السعودية.
وقال فؤاد في مداخلة مع برنامج 'حبر سري' المذاع على قناة 'القاهرة والناس': 'أنا قد الكلام عشان راجل؛ أنا بعتذر عن حاجة واحدة بس قولتها إني مش جاي اضحك لا أنا جاي اضحك؛ سمير غانم عمره ما بكانا؛ سمير غانم عمره ما عمل مشهد جد وهو نجم النجوم عشان كده لما توفي كتبوا عاش قد ما عاش بيضحكنا والنهاردة بس بكانا ومش سمير غانم بس الضحك ده شيء جميل والكوميديا دي شيء صعب'.
وأضاف: 'أنا بعتذر بس عن جملة إحنا مش جايين نضحك لا إحنا جايين نضحك؛ أنا لما بطلع بمسرحية بيسموني عمدة المصريين بحس أني مسؤول عن الناس بتوعي وكلنا اتشتمنا لما رحنا ولكن الحملة كانت شرسة على أنور عشان أنور هو البديل اللي جه وكان من الحاجات اللي فاكرها واللي اتقالت عليا الحياة بتتعاش مرة واحدة يا تعيشها سلام يا تعيشها أنور'.
وتابع: 'طقم العمل كان بيوريني الكلام ده وأخو أنور كان المساعد بتاعي؛ أنور كان قاعد بيبكي وكنا بننزل نفطر نتغدا ونتعشي وأنور مش معانا؛ كنا بنروح البروفة أنور كان بيجيي ولغاية يوم اللي صابح العرض سلام هو اللي عالشاشات واحنا كنا بنسابق الزمن وأنور كان بيعمل البروفة ويجري مع المخرج عشان يصور الجرافيك والاغاني والاستعراضات اتعملت من جديد ودا رد على الأستاذة كاملة أبو ذكري اللي بتقول بنعمل المسرحية في 3 أيام'.
وواصل: 'إحنا عملنا بروفات يزيد عن شهر والنص اتكتب فيما يزيد عن 3 أشهر إحنا مبنروحش في حاجات 3 أيام احنا سفراء لبلدنا هما بيحترمونا ويقدرونا لو دا بيضايقكم إحنا آسفين؛ هما بيحبونا كدة وبيحترمونا'.
وأكمل: 'دا غايظ اللي بيشتمنا وبيدعي علينا ادعاءات والمفروض أنه مثقف وفاهم؛ المسرحية اتعملت بروفات يزيد عن شهر في مصر وحضرها كلها سلام بالاغاني والنص اتكتب في 3 أشهر وزيادة والمسرحية كانت صعبة جدا لأن كان فيها جرافيك كتير جدا وكان في تحدي اننا نعملها بالشكل دة وأنها تبهر الجمهور السعودي ولكن أنور كان شايف المر وكان مكتئب جدا'.
واختتم: 'كان عندي مسرحية بعدها وانا الوحيد فيهم مكنتش هرجع على مصر وكنت مستني أكرم حسني عشان المسرحية؛ أنور طلب مني أي دور في مسرحية أكرم حسني لانه خايف ينزل بلده وقالي لو مفيش دور خليني مساعد مخرج معاكم بس مرجعش أنا خايف وخايف على ولادي'.
