“مش بفهم منه حاجة”.. رد ساخر لـ “ويجز” عن منشور حول رامي صبري

جدد مطرب الراب ويجز، الجدل المثار بينه والنجم رامي صبري، بعد منشور كتبه عبر حسابه على موقع التواصل الاجتماعي “فيس بوك”.

ورد “ويجز” بمنشور ساخر عبر حسابه الرسمي بموقع التواصل الاجتماعي “فيس بوك”، على ما كتبه الشاعر تامر حسين مدافعا عن رامي صبري.

وكتب 'ويجز': “حصل خير يا جماعة راني صبري ده زي ابني بالظبط وهو شطور وقمور ومجتهد أنا بس ف اللقاء كنت حاسه كدة بيجامل من ورا قلبه عشان الجمهور ميغلطهوش وفرق أجيال بقي مش بفهم حاجة منه خالص ف تلاقيني مخدتش بالي”.

وكان النجم رامي صبري رد على تدوينة الشاعر تامر حسين حول خلافه مع ويجز خلال الفترة الماضية مؤكدا انتهاء الأزمة وأنه سامح ويجز.

وكتب تامر حسين عبر حسابه على فيس بوك موجها حديثه لرامي صبري، 'شهادتي فيك مجروحة أنت صوت عبقري مش محتاج رأيي وخطواتك ما شاء الله لطريق النجاح بتكبر وتزيد وكل سنة عندك هيت ناجح ومكسر الدنيا ولسة شايف ترتيب أنغامي أنت رقم 2 في الاستماع بعد الهضبة ألبوم مكانك وفي الصدارة'.

وتابع، 'تصريح مش موفق مِن ويجز رغم إن شفت له أكتر من لقاء كان راجل مُثقف ومُهذب جايز يكون واخد على خاطره أو فِهم كلامك غلط، إنما الأرقام اللى قالها مش أرقامك ولا الطريقة مُناسبة وأنت الكبير يا روما.. ويجز لو يعرف إنت أول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله'.

ورد رامي صبري على تامر حسين وكتب، 'حبيبي تامر حسين الشاعر الكبير العظيم.. شكرا علي كلامك الجميل اللي زيك.. ويجز أخويا الصغير وأنا مسامحه وحصل خير'.

وشن مغني الراب ويجز هجومًا عنيفًا على الفنان رامي صبري، على خلفية تصريحات الأخير بشأن موسيقى الراب والمهرجانات خلال لقائه ببرنامج 'حبر سري'.

ونشر ويجز على خاصية القصص المصورة الملحقة بحسابه الخاص على 'إنستجرام' مقطع فيديو تداوله نشطاء على مواقع التواصل الاجتماعي، عبّر خلاله عن استيائه من تصريحات صبري حول عدم فهمه لكلمات أغانيه، منتقدًا حديثه عن فنون لا ينتمي إليها، مشددًا على ضرورة احترام الفنانين في مجالاتهم المختلفة.