فيه تحليل هيتعمل| شوبير يعلن تطورا مثيرا عن حالة إمام عاشور الصحية

أعلن الإعلامي أحمد شوبير عن تطورات موقف إمام عاشور لاعب الفريق الكروي بالنادي الأهلي، وموعد عودته للتدريبات الجماعية للفريق.

وقال شوبير في تصريحات إذاعية: 'الأهلي بدأ يتكلم مع إمام عاشور، إمام هيتجنن عشان يرجع في أقرب وقت للتدريبات والمشاركة'.

واضاف: 'التحليل فيه تطور الحمدلله، وكل يوم إنزيمات الكبد بتقل، إمام حاسس أنه كويس وسليم لكن في تحليل هيتعمل يوم الخميس ودا هيبين موعد عودة إمام التدريبات'.

وواصل: 'إمام عايز يلحق ماتشات الدوري وماتش السوبر اللي في الإمارات والمفروض دا يكون أول الشهر، وضاغط بشكل كبير على الجهاز الطبي لكن قالوله التحاليل اللي هتحسم'.

واختتم: 'المدرب معجب جدا جدا بإمام وشاف فيديوهات وتسجيلات له وقال أنا محتاجه في الملعب، لكن مستني التحاليل'.