شاهد.. "كيشو": سأقاضي الصحف والإعلاميين الذين اتهموني بواقعة التحرش

كشف محمد إبراهيم كيشو، لاعب المصارعة، أنه سوف يقاضي كافة وسائل الإعلام والإعلاميين الذين اتهموه بارتكاب واقعة التحرش خلال تواجده في فرنسا.

وقال كيشو خلال برنامج 'الماتش' المذاع على قناة 'صدى البلد': 'اتصدمت من ردود الأفعال والشعب في إيه يا جماعة انتوا بتحكموا عليا من غير ما تعرفوا؟ ردود الأفعال في مصر في الصحافة والإعلام اتكلموا عن الموضوع بشكل سيء جدا'.

وأضاف: 'الوضع كان صعب وكنت ناسي اللي أنا فيه وبفكر في أمي عاملة ايه دلوقت، الموضوع سبب أذى كتير جدا مش حاسس أن اعتباري اترد ليا وهقاضي كل الصحف المصرية اللي اتكلمت عليا هنا وأي حد اتكلم عليا في الإعلام الرياضي واتهمني بحاجات أنا معملتهاش'.

وتابع: 'أنا لسه واصل إمبارح وتعبان ومحتاج أرتاح شوية وبعدين أبدأ في المقاضاة واللي حصل ده مينفعش يعدي كدة'.

وأكمل: 'أنا كان كل تفكيري في أهلي وكنت عايز أطمن عليهم وأشوفهم وأنا من أول الموسم كنت برة ولما أتحط في موقف زي ده أكيد الموضوع مختلف'.

وذكر: 'أنا خلصت ومشيت على طول وأنا خرجت رحت اتفرجت على النهائيات وبعدين حبيت أكون لوحدي لأن مجهود أربع سنين راح مني في ماتش، وأنا إنسان ليا حريتي إيه المشكلة أنا معاييش معالج نفسي خلال خلوني أدير نفسي وأنا عارف إيه اللي بيريحني وبيهديني سيبونا بقى'.

وأوضح: 'مكانش معانا معد نفسي وقبل كده كان عندي، لحد قبل الأولمبياد وبعدين سافرنا ووصلنا هناك ملقيناش معد نفسي'.