أحمد موسى: نتنياهو يدير التنظيم الدولي للإخوان المسلمين

أكد الإعلامي أحمد موسى أن رئيس الوزراء الإسرائيلي بنيامين نتنياهو يدير حاليا التنظيم الدولي لجماعة الاخوان الإرهابية.

وقال موسى خلال برنامج 'على مسؤوليتي' المذاع على قناة 'صدى البلد': 'نتنياهو النهاردة هو الذي يدير مكتب الإرشاد في الخارج، هو الذي يدير التنظيم الدولي للإخوان حاليًا، أقدر أقول لك كده على الهواء يعني بيتم الترتيبات بينهم، إن هم عندهم أمل، التجربة اللي هناك دي تتعمل، التجربة اللي عارفينها طبعًا من غير ما نسمي، كله عارف يعني، فيشتغلوا على أمل إن هم... فيبدأ يحرك إخوان إرهابيين موجودين داخل إسرائيل معانا، يعني عشان أوريكم الدليل'.

وأضاف: 'دليل قوي جدًا هذا الدليل هو اللي حضرتك تشوفه كده، هو إزاي تنظيم الإخوان الإرهابي جوه إسرائيل من 7 أكتوبر ما عملش مظاهرة ويعمل ضد بلده، بلده إسرائيل، بلده إسرائيل! لأنه جوه، هو عايش جوه، وعنده جواز سفر إسرائيلي، وعندهم ناس في الكنيست، وبيتحالفوا معاهم، فخدوا التعليمات'.

وتابع: 'هي كل التعليمات اللي صادرة للتنظيم الدولي واللجان والصفحات اللي هي 600–700 صفحة، تخيلوا! يتم إدارة 600–700 صفحة ضد مصر، مع فوق الـ 40 قناة وبرامج ضد مصر'.

وأوضح: 'كل ده ببلاش؟ لا، كل ده ليه هدف لأنه ليه الهدف إنك توصل للنتيجة اللي هم عايزينها، قلت لحضراتكم عليها يوم السبت، واللي هينفذوها هم، مش حد تاني. اللي بينفذ مين؟ ما هو مرسي نفذ وكان رايح ينفذ، فتاني ما هو فرصته دلوقتي يعمل ده، وتعمل ده جوه مصر، لأن هي الدولة الباقية، الدولة اللي عندها شعب قوي جدًا، أكبر دولة في المنطقة والإقليم، أكبر شعب وأقوى جيش في المنطقة والإقليم'.

وأكمل: 'طب عايزين نهدّ الحكاية دي؟ ما تبقاش مصر هي اللي واقفة لنا في كل حاجة، ورئيس مصر هو اللي واقف لنا لتنفيذ المؤامرة الكبرى مين شركاؤهم؟ هوريكم الدعوة اللي عاملينها بتوع جماعة الإخوان الإرهابية في الداخل الإسرائيلي، قدامك أهي طبعًا ده الترند العالمي الإخوان والصهاينة أهدافهم واحدة ده ترند عالمي دلوقتي، عالمي حاليًا، لأن هم الاتنين حاجة واحدة: جماعة الإخوان الإرهابية مع الكيان الصهيوني المجرم'.

واختتم: 'تخيّل! تخيّل! منتهى يعني... أقول لك إيه؟ منتهى الرخص، والتآمر، والخيانة وفي خيانة، وفي تآمر، وفي عمالة؟ أكتر من ده؟ أكتر من قدامك ده؟'.