سيد علي: إحنا مضيعين نص عمرنا في حكايات شيرين هي الست دي مخدر؟

عبر الإعلامي سيد علي، عن استيائه من كثرة التناول الإعلامي لمشكلات المطربة شيرين عبد الوهاب، مشيرا إلى أن هذا التناول أصبح زائدا عن الحدود.

وقال علي خلال برنامج 'حضرة المواطن' المذاع على قناة 'الحدث اليوم': 'نعيش ساعات ولحظات أحيانا أشوف بعض الاحتفالات والناس بتكلم في حاجات وشيرين ودكتور شيرين وهتدخل السجن وتتنيل تعمل إيه، إحنا عايشين لدرجة أني بقول أحيانا هي الست دي مخدر؟ معقولة قاعدين بنتكلم عن شيرين والوضع حوالينا كده'.

وأضاف: 'خلوا بالكم الوضع حوالين مصر مش في غزة فقط، عندك البحر الأحمر دمر لك قناة السويس وعندك السياحة اتنيلت وحاجات كتيرة جدا دي حاجات يجب أن ننتبه ليها ونقعد مع بعض ونتكلم ونشوف البدائل، وإزاي يبقى لينا موقف، حاجات كتيرة جدا بدل ما إحنا مضيعين نصر عمرنا في الست شيرين وحكاية الست شيرين'.

وتابع: 'زادت عن حقها أوي، إذا كانت الدولة المصرية والقيادة المصرية مش بتطلع تقول للناس حاجات كتيرة جدا لأنها حاجات استراتيجية وحاجات في الكواليس بتتم والقيادة المصرية محافظة على الدولة الرشيدة ومتمسكة بالصبر الاستراتيجي لأنها مش هتدخل في معركة يتم الجرجرة ليها لأن مصر اتعلمت الدروس'.

وكانت المطربة شيرين عبد الوهاب قد عانت عدة مشكلات متتالية شغلت الرأي الرأي العام بداية من انفصالها عن زوجها حسام حبيب مرورا بخلافاتها مع شقيقها وانتهاء بأزمتها مع شركة روتانا للإنتاج الفني.