عمرو أديب: الإيرانيين ربطوا على تسليحهم إلى "يوم غير ذي زرع"

أكد الإعلامي عمرو أديب أن دولة الاحتلال الإسرائيلي هي من بدأت العدوان ضد إيران مشيرا إلى أن الإسرائيليين اعتقدوا أن المسألة سوف تنتهي بشكل سريع.

وقال أديب خلال برنامج 'الحكاية' المذاع على قناة 'إم بي سي مصر': 'حد يقولي يا عمرو، أنت مبسوط من اللي بيعمله الإيرانيين؟ طب هو مين اللي ابتدى؟ مين اللي وصلنا للوضع ده؟ تعالوا نتكلم بصراحة وبالحق والمستحق من الذي أوصلنا إلى هذه النقطة الفارقة في تاريخ المنطقة؟ مين اللي بدأ؟ مين اللي حسن بعنجهية؟ مين اللي كان عنده الغرور والاعتقاد إن المسألة هتتحسم في يومين تلاتة وبضربتين تلاتة؟'.

وأضاف: 'الناس دي، يا جماعة، فضلوا عشرين أو تلاتين سنة من بعد حرب العراق لا يطلقوا رصاصة ولا صاروخ كانوا رابطين على تسليحهم وصواريخهم وقدراتهم العسكرية، لحد ما جه يوم غير ذي زرع، ولما جه اليوم.. خرجت الأسلحة والقدرات وإحنا لا نعلم لا الكميات ولا القدرات لكن إيران بتضرب، وبتتعزق، وبتوجه ضربات بالفعل'.

وتابع: 'طبعًا هي بتضرب، لكن مرة أخرى، إيران عندها القدرة على الهجوم فقط، وليس الدفاع. هو لا يدافع، هو يهاجم. والوضع مستمر، ونحن الآن على شفا أو معرضون بطريقة أو بأخرى، لحدوث كارثة في المنطقة ولا أحد سيكون قادرا على استيعاب هذا الأمر'.

وواصل: 'أنا شخصيا لا أفهم المنطق الإسرائيلي، ولا المنطق الأمريكي لأنه في حال وقوع كارثة كبيرة في المنطقة، الكل سيكون خاسرا، وعلى رأسهم الولايات المتحدة الأمريكية أنا كلامي واضح الكل خاسر، وأولهم أمريكا.مش محتاج أفسر أكتر من كده.

وأوضح: 'بمناسبة أمريكا، العنصر الثالث هنا هو الرئيس ترامب قال نشوف في ظرف أسبوعين إيه اللي ممكن يحصل' هو أعطى مهلة أسبوعين'.

واختتم: 'لكن أنا لا أثق في الرئيس ترامب ببساطة، ما يقوله لا أعرف إذا كان يعنيه فعلًا ولا بيقول وخلاص. هل يقصد فعلًا أنه هيدي أسبوعين ثم يتدخل؟ ممكن يكون بيضرب بكرة مع الإسرائيلي. ممكن يكون هيبعت الطيارة اللي تكلفتها مليار دولار علشان تضرب أهداف'.