شاهد.. أحمد موسى: متدوش الإخوان الأمان.. لا يعنيهم المصريين

أكد الإعلامي أحمد موسى، أن جماعة الإخوان الإرهابية لا يعنيها الشعب المصري على الإطلاق، مشيرا إلى أنها ارتكبت الجرائم في حق المصريين.

وقال موسى، خلال برنامج 'على مسؤوليتي' المذاع على قناة 'صدى البلد': 'متنساش الجرائم وحجم الكراهية، أنت متعرفهمش أنت تعرفهم لما تتعامل معاهم، لو أنت ممشتش معاه في الخط بتاعه هيكفرك، أنت بالنسبة له عدو'.

وأضاف: 'اللي قلت عليه هيعملوا كذا في البلد قلت وهما بيحكموا وهما في السجن ودول ليس لهم علاقة بيك كمواطن هو ليه التنظيم، وهيفضل هذا التنظيم موجود برة، وله كوادر وقيادات وهيفضل شغال في البلد ويشتم في البلد، ويتكلم على البلد لأن عنده هدف واحد اللي عملوه في 2011 عايز يعمله في أي وقت'.

وتابع: 'هو عنده رسالة واحدة عنده كلمة واحدة هي التمكين، دا اللي يعني الإخوان ولازم سيادتك تبقي شايف كده هذا منهج لولادنا وأحفادنا والكبير والصغير يبقي عارف خطورة وخيانة هذه الجماعة للوطن وللشعب والدين'.

وواصل: 'اوعي تديلهم أمان هتديله أمام هيضربك بالسكينة هتديله أمان هيضربك بالنار، هو يعمل أي حاجة تسيء لمصر تستهدف الدولة تستهدف قياداتها ومؤسساتها أوعى تخاف منهم أبدًا هو لا يمتلك أي شيء إلا حملات تشويه وشائعات'.

واختتم: 'حمل السلاح هيقتلك محدش يديهم الأمان، وأنا يعنيني بلدي يعنيني مصر وطول عمري شغال ومعنديش أي حاجة غيرها عشان عارفين إحنا معندناش غيرها ومش هيفضل عندنا غيرها، متديلهومش أمان، ولم أبدا نغير مواقفنا على الإطلاق، ملفات ومقالات مش عايز أقولكم قد إيه، كنا بنقول ده'.