"بعد رحيل والده".. مروة صبري مُهاجمة ابن الراحل حلمي بكر: «كنت مستني أبوك يموت علشان ترجع تشوف الورث؟»

قامت الإعلامية مروة صبري، بالهجوم على هشام حلمي بكر ابن الموسيقار الراحل حلمي بكر، والذي رحل عن عالمنا منذ أيام قليلة، بعد عودته إلى مصر من الخارج لكي يحضر جنازة والده.

صور مجمعة للإعلامية مروة صبري من برنامج 'قعدة ستات'، وصورة للراحل حلمي بكر من موقع 'مصراوي'، وصورة لـ هشام نجل الراحل من موقع 'في الفن'، تم تعديلهم ودمجهم بواسطة نجوم مصرية.

وأكدت الإعلامية، أثناء تقديمها لبرنامج 'قعدة ستات'، والمُذاع عبر شاشة 'ألفا'، موضحة: 'لما إبن يعرف إن والده تعبان وصحته مش كويسة خالص من سنة، وميفكرش ينزل يطمئن عليه ويشوفه.. أكيد دي حاجة مش طبيعية وغريبة، وده علشان أي إنسان لما بيعرف إن أبوه تعبان بيجري عليه ويقعد جنبه يومين ويبوس إيده ويقوله إدعيلي، ولو شاف مرات أبوه بتعذب والده ضروري يلحقه'.

وواصلت مروة: 'طب إنت يا أستاذ هشام كنت مستني أبوك يموت علشان تنزل تدفنه وخلاص، ولا إنت نازل أساساً علشان تاخد حقك في الميراث وتعرف ليك إيه، والموضوع يخلص لحد كده'.

كما قامت الإعلامية، بمهاجمة سماح القرشي أرملة حلمي بكر، وقالت: 'كل اللي حصل ده كان علشان إيه واستفادتي إيه؟.. كل ده علشان حضرتك كنتي عاوزه البيت يتكتب بإسمك من شخص تحت تأثير المرض، وكنتي عاوزه تفضلي مُتحفظة عليه وتضغطي على عائلته علشان تأخدي حقك وبس.. بجد مش عارفه إحنا عايشين في دنيا ولا في غابة'.

وجديراً بالذكر، بأن الراحل حلمي بكر أُقيم عزائه أمس بمسجد الحامدية الشاذلية، وسط حضور كبير من المشاهير ونجوم الفن، وحرصت على حضور العزاء وزيرة الثقافة نيفين الكيلاني، وأيضاً أعضاء مجلس نقابة المهن الموسيقية كان على رأسهم 'النقيب مصطفى كامل، والمطربة نادية مصطفى'، وغيرهم.

وقام هشام ابن الراحل، بوصف الأحداث والخلافات القائمة بين عائلته وأرملة والده خلال الفترة القليلة الماضية، الأمر الذي تسبب في تحويل جثمان والده لشئ مُؤسف، مؤكداً بأن زوجته اختطفته حياً وحاولت خطفه ميتاً، وتسائل: 'مش عارف كل ده بيحصل ليه؟'، وذلك بحسب المُداخلة الهاتفية التي أجراها مع الإعلامية لميس الحديدي، أثناء تقديمها لبرنامج 'كلمة أخيرة'، والمُذاع على فضائية 'on'.