صحتي مساعدة.. دينا: اعتزال الرقص قرار مش سهل

نشرت الفنانة دينا، مقطع فيديو لها، عبر حسابها الرسمي بتطبيق “إنستجرام”، عبارة عن حلقات مصورة لها، تحمل اسم «اسمعوا كلام دينا»؛ لترد فيها على التساؤلات حول حقيقة توقفها عن الرقص.

وخلال الفيديو نفت دينا، أنها تنوي التوقف عن الرقص، وقالت: «اللي بيقول كده؛ كأنه هو اللي هيحدد مسيرتي الفنية وأعمل إيه.. مسألة إني أبطل الرقص دي، عرض وطلب، وأنا ما بخبَّطش على البيوت وأقولهم والنبي شغلوني، والفن طول ما أنت قادر تقدم حاجة كويسة؛ طول ما أنت هتبقى مطلوب».

وأضافت دينا: «المسألة مش قرار سهل هتقدر تاخده ده.. قرار صعب جدًا .. وما أعتقدش اللي بيقول كدة سهل يبطل حاجة متعود يعملها .. وهو يقدر يحكم على الناس لكن ما يقدرش يحكم على نفسه .. والكلام اللي فيه تحديد مصير الناس؛ مش المفروض يتقال أساسًا .. وأنا مش هبطل؛ لأني مدربة رقص في العالم كله بقالي سنين كتير، وهفضل أدرب وأرقص لحد ما صحتي تبقى مش مساعدة».

يذكر أن دينا شاركت مؤخرا في فيلمين هما: 'الملكة' بطولة هالة صدقي، ورانيا يوسف، وشيرين رضا، وانتصار، وباسم سمرة، إخراج سامح عبد العزيز، وفيلم 'عادل مش عادل' بطولة أحمد الفيشاوي، ومحمود البزاوي، ومحمد رضوان، إخراج أحمد يسري.

ومن المقرر ان تشارك الفنانة دينا خلال الماراثون الرمضاني القادم بمسلسل “ إش إش”، والذى تتعاون فيه مع المخرج محمد سامي .

مسلسل “إش إش” يشارك في بطولته عددا كبيرا من الفنانين، أبرزهم مي عمر، وهالة صدقي، وانتصار، وماجد المصري، ودينا .