«راجل متدين».. نرمين الفقي تكشف عن مواصفات الزوج الذي تتمناه

أثارت الفنانة نرمين الفقي حالة من الدهشة بعدما كشفت عن مواصفات الزوج المناسب، مشيرة إلى أنها تريد رجل متدين حسن الخلق حتى يصونها.

وتحدثت نرمين الفقي، عن مواصفات الزوج المناسب لها خلال لقائها مع شاشة رؤية الأردنية، قائلة: «الراجل الصح مع الست الصح بيحليها وبيصغرها وبيخلي نفسيتها مرتاحة، لأن من الصعب الست تعيش ست وراجل في نفس الوقت، وأنا للأسف بعيش ست وراجل بعمل كل حاجة وبدخل في كل حاجة ودي حاجة مرهقة جدًا».

وأضافـت: «عمري ما قفلت قلبي وكل واحدة فينا عندها الأمومة والأنوثة، ولكن لما يجي ابن الحلال اللي يقدر يخليها تقدم على الزواج، لإن الواحدة لما تشتغل وتنجح بتكون عاوزة راجل قوي وجامد تتسند عليه علشان تخلع رداء الرجولة ولا تبقى سوى امراة».

وتابعت: «بيجي لي عرسان ولكني مش كل يوم بنزل وبخرج ومش بدي نفسي الفرصة إني أقابل أشخاص، وفي الآخر ده رزق هيجي هيجي بإذن الله، يكون متعلم ومثقف وابن اصول وأهله مربينه صح ومتدين مش مجرد كلمة علشان يقدر يحافظ عليا ومش متدلع ولا سليط اللسان».

وأشارت إلى، أزمات حلا شيحة مع الفن، قائلة: «أنا بحب حلا سواء تعتزل أو تقعد في البيت أو تتحجب، أنا بحبها على الصعيد الإنساني لأنها لطيفة ومتصالحة مع نفسها وده اللي شفته منها، ولها مطلق الحرية إنها ترجع تاني، ودكتور أشرف زكي فوق راسي لأنه راجل بمعنى الكلمة أخد القرار المظبوط، وفي النهاية هي حرية شخصية والفن موهبة من عند ربنا مش من حق حد يخمدها وده قرارها وحياتها، وفي النهاية هي ماعملتش حاجة مخلة بالشرف والأمانة».