أيمن الحجار: لو فقدت المجتمعات التواضع توقفت الحياة |فيديو

قال الدكتور أيمن الحجار، الباحث الشرعي بهيئة كبار العلماء، إن اختفاء صفة التواضع من المجتمع يمثل خطورة كبيرة، وسيحدث حالة توقف للحياة، مضيفا: 'الناس كلها هتبقى متكبرة مع بعضها البعض، مش هقدر أقول لحد مشكلتى عشان يساعدنى فيها، لأننا مش مؤمنين بالفروق الفردية بين الناس'.

وتابع أستاذ الفقه بجامعة الأزهر، خلال حواره مع الإعلامية مروة شتلة، بحلقة برنامج 'البيت'، المذاع علي فضائية 'الناس'، اليوم الخميس: 'ربنا جعل كل واحد عنده 24 قيراط في حياته، كل واحد حياته مكتملة باللى فيها سواء علم أو عمل، كل واحد ربنا مخلي له بركة فى عمله وحياته، وثواب عظيم على ما يفعله، سواء مزارع أو معلم أو صانع أو سائق، ربنا ممكن يعطيك صحة لكن عندك مشاكل فى حاجة ثانية، ممكن الـ24 قيراط الخاصة بك يكونوا صحة وثراء وعلم'.

واستكمل: 'لازم نعرف إن التواضع أمر إلهي فى كل الأمم وكل الديانات السماوية، دى قيمة عظيمة إنسانية، لما جاء الإسلام رحمة للعالمين، ومن أو مرتكزات الرحمة التواضع، لأن لو مفيش تواضع هيكون فى رحمة إزاى'.