«علشان يتسمع بعد رمضان».. رامي جمال يؤجل طرح ألبومه الجديد 2025

أعلن المطرب رامي جمال عن تأجيل طرح ألبومه الغنائي الجديد، الذي كان من المقرر طرحه مطلع العام الجاري.

ونشر رامي جمال منشوراً عبر حسابه الرسمي على موقع الصور والفيديوهات العالمي “إنستجرام”، يوضح فيه سبب تأجيل طرح ألبومه الغنائي الجديد، وكتب قائلاً: “حبايبي الغاليين، كنت وعدتكم أني هنزل الألبوم في أول السنة، بس بصراحة بعد ما خلصت، لقيت أن شهرين بالضبط ورمضان جي، ربنا يبلغنا وإياكم رمضان، فقلت أنا عاوز وقت مناسب”.

وأضاف: “وشوفت أن العيد يعتبر بداية الصيف ووقت جميل أن الألبوم يلحق يتسمع، وقلت برضه أني بقالي سنتين بنزل أغاني طول الوقت، ف منها أريح شوية وأركز شوية، وبالمرة أوحشكم شوية، قولولي عاوزين الألبوم أغاني حزينه أكتر ولا فرحانه أكتر ولا نص ونص”.

وكان رامي جمال طرح أخر ألبومات هالغنائية في شهر إبريل الماضي بعنوان 'خلينى أشوفك' وضم الألبوم 15 أغنية تعاون فيهم مع كبار الشعراء والملحنين والموزعين، وأبرزها كل من أغنية: “خلينى أشوفك، وبقول وأكدب، وبضيع وقت، وفستانك أبيض، وشاهد الله، وأوقات، وقلبى خام، وعادى أنساك، وأنت مين، وبيكلمونى، وأنسى اسمك'.

وطرح المطرب رامي جمال نهاية شهر ديسمبر الماضي أغنية بعنوان حياتي الحلوة احتفالا بحلول العام الجديد 2025 تعاون فيها مع كل من الشاعر الغنائي حسام سعيد والملحن الراحل محمد النادي، والموزع الموسيقي ومهندس الصوت يحيى يوسف.

وتقول كلمات الأغنية: 'أنا اتغيرت على إيدك أنا بقيت حد تاني بجد واللي عملته يا حبيبي معملوش قبل منك حد سنين من عمري أنا فاتوا ماكنتش حاسس إني بعيش وجيت في ثواني خليتني بقيت أسعد واحد على الأرض حياتي الحلوة دي أنت السبب فيها وراحة قلبي مديونلك كمان بيها ولو في حاجة تستاهل أعيش ليها تبقى أنت بقيت يا حبيبي أغلى عليا من روحي ولو مجروح وشوفتك بانسى أنا جروحي ولو هاحلم بحاجة أنا حلمي وطموحي معاك أنت'.