أحمد موسى يوضح أبرز مزايا نظام البكالوريا الجديد

أكد الإعلامي أحمد موسى أن مقترح نظام البكالوريا الجديد سوف يحقق عددا من الفوائد لطلاب الثانوية العامة أبرزها القضاء على الدروس الخصوصية.

وقال موسى خلال برنامج 'على مسؤوليتي' المذاع على قناة 'صدى البلد': 'كلامنا أن ندى إتاحة للناس ونشرك الناس ميبقاش في القاهرة بس وندي مساحة للحوار المجتمعي عشان الناس تقول رأيها كمان خبراء ومختصين ولجنة التعليم بالبرلمان'.

وأضاف: 'زي ما قال الدكتور أيمن عاشور وزير التعليم العالي عايز أخرج خريج يتوافق مع سوق العمل مش عايز خريج يقعد على القهوة عايزة يتخرج ويشتغل'.

وتابع: 'هناك تنسيق بين وزارتي التربية والتعليم والتعليم العالي والمنظومة الجديدة تخفيف على أسر الطلبة وعلى المناهج واللي يهمني في الآخر المواطن والطالب، الأسر وولادهم وأي شيء يخفف عنهم إحنا معاه'.

وواصل: 'المسألة مش مين مع ومين ضد هتلاقي ناس ضد هذا الموضوع ليه؟ لأن النظام الجديد هيقضي على 3 حاجات رقم واحد السناتر والدروس الخصوصية أنت خلاص كان عندك 32 مادة هيبقوا 7-8-10 مواد'.

وأوضح: 'الدروس مش هتبقي موجودة ورقم تلاتة مش هتبقي في حاجة للكتب الخارجية ودا تخفيف أهو أنت خففت عن الدروس والكتب الخارجية ومكانش بيلحق في المدرسة يشرح ولازم آخد درس'.

وأكمل: 'المنهج بتاعك النهاردة موجود وعمل تخفيف في عدد الكتب اللي كان الطلبة بيدروسوها بدل ما كانوا 32 مادة بقوا 7-8-10 مواد'.

وذكر: 'أنت كمان بتحبب الطالب في مدرسته وكان الأول عنده كثافة في الفصول ومهم أوي الكلام اللي قاله الوزير النهاردة، من 60 ألف مدرسة موجودة وصلنا لعدد الكثافة أقل من 50 طالبا وباقي 46 مدرسة فقط، الفصل كان فيه 200 والمتوسط 70-80 طالبا'.