مروان بابلو: «لما الشهرة خطفتني نسيت نفسي وأهملت ديني» (فيديو)

أشار مطرب الراب مروان بابلو، إلى أن الشهرة جعلته بعيدا عن الدين لفترة، لكنه بدأ يراجع نفسه خلال العام الذي قرر فيه الاعتزال.

وقال مروان بابلو، أثناء حلوله ضيفا على الإعلامي أنس بوخش: «أهملت الدين في الفترة من سن 18 لسن 25 سنة، وكنت فاكر إني صح وإن الإيمان في القلب، وفي السنة اللي بطلت فيها المزيكا عرفت إن الدين عنصر رئيسي في تكوين شخصيتي، ورجعت أدور في الدين، لأن مع الشهرة بيحصل عندك جشع وتبقى عايز أكتر، ولما خطفتني الشهرة نسيت نفسي».

وروى بابلو، كواليس عودته إلى منزله القديم أثناء فترة اعتزاله قائلا: «رجعت بيتي القديم، وطلعت حاجتي القديمة، ولقيت ورق كنت كاتب فيه لنفسي الغلطات، زي أنت مهمل في الصلاة، محتاج تتمرن، وقبل سن 18 سنة كنت متأثر بأفكار الغرب، وبعدها رجعت للأسس والأولويات في مرحلة من مراحل النضج».

الجدير بالذكر أن آخر أعمال مطرب الراب مروان بابلو، أغنية «ديجا فو»، الذي طرحها خلال الأيام الماضية، عبر قناته على موقع الفيديوهات «يوتيوب»، ومختلف منصات الموسيقى الرقمية، وحققت نجاحا كبيرا.

وجاءت كلمات الأغنية كالآتي: «هنروح على فين، رايحين على فين، ما شُفتش الـ Love، قلبي ع الرصيف، بتيجي الـ Señorita بتاخد إللي فيه النصيب، بتبصلي في إيديا تقولي ليه مش بتباصي، بديها إللي عايزاه ما أنا واحد فهمه كان بطيء».