تامر أمين: زيزو اتظلم في جوائز الكاف ولقب أفضل لاعب بأفريقيا كان من حقه

 أكد الإعلامي تامر أمين أن لاعب الزمالك، أحمد سيد 'زيزو'، تعرض لظلم كبير في جوائز الأفضل في إفريقيا.

وأضاف: الموضوع مش مرتبط بالانتماء الرياضي ولا بالمشاعر الوطنية، لكن هو في الأساس مرتبط بالحق والموضوعية في التقييم.

وقال تامر أمين في تصريحاته خلال برنامج 'آخر النهار' المذاع على قناة 'النهار': 'زيزو لاعب مميز بجد واتظلم بشكل واضح، ودي مش كلمة عشان إحنا مصريين وهو مصري، لكن بصراحة الموضوع كان فيه نوع من الحجب الغريب للجائزة رغم إنه كان الأقرب ليها'. 

وأضاف: 'الحديث هنا عن معايير موضوعية مش عاطفية، وزيزو كان يستحق التقدير على مستواه الفني الكبير، اللي كلنا شوفناه، أما قرار حجب الجائزة فكان مش واضح، وأنا متوقع إن فيه سبب ورا كده'.

وفيما يخص حارس مرمى فريق صن داونز، ويليامز، قال أمين: 'ويليامز حارس ممتاز، وفعلاً يستحق جائزة أفضل حارس مرمى في إفريقيا، ده من غير ما ننسى المنافسة القوية من مصطفى شوبير الحارس المصري'. 

لكن أمين أضاف أن منحه جائزة أفضل لاعب في إفريقيا كان غير منطقي، قائلاً: 'أفضل لاعب في إفريقيا كان زيزو هو الأفضل مش ويليامز، عشان كده منحوه أفضل حارس مرمى مكنش فيه مشكلة، لكن جائزة أفضل لاعب داخل القارة دي ماكنتش منطقية'.