برنامج «وطن الطيبين» يقدم مكافأة مالية لـ«بائعة برسيم» لإعالة أبنائها الـ8

التقى مقدم برنامج «وطن الطيبين» المذاع عبر تليفزيون «الوطن» بالسيدة نعمة «بائعة البرسيم» التي تعول زوجها المريض وأولادها الـ8، لتضرب مثالًا رائعا في التضحية والرضا.

وروت السيدة نعمة تفاصيل يومها «مفيش ولا يوم إجازة في السنة حتى في الأعياد بنزل الشغل، عشان أساعد أولادي وزوجي، لأن مفيش غيري يقوم بيهم، والحمدلله عندي رضا وصبر من عند ربنا عشان خاطر ألاقي أولادي أحسن مني».

وقدم مذيع برنامج «وطن الطيبين» للسيدة نعمة، «بائعة البرسيم»، مكافأة مالية تقديرًا ومساعدة لها لإعالة أولادها وزوجها المريض، وأعربت عن شكرها «الحمدلله ربنا كريم وعالم بالحال، ربنا يقدرك على فعل الخير».