أكد الدكتور يوسف زيدان الكاتب والروائي أن هناك خلافا مع الباحث إسلام البحيري، مشيرا إلى أنهما ليسا على وفاق.

وقال زيدان في مقابلة مع برنامج 'اسرار' المذاع على قناة 'النهار': 'كنت أعرفه زمان ولكن بطلت أعرفه ومش هعرفه تاني، وأنا عادتي لما يبقى في عدم توافق مع شخص بابتعد وخلاص'.

وأضاف: 'يمكن عشان فارق السن بيننا مفيش توافق، ومظنش أني هعرفه تاني وأنا زعلان منه شوية'.

وتابع: 'المعرفة والعلم مش خناقة إحنا قعدنا على إيد الأساتذة نسمع ونحلل ومحتاجة صبر طويل ونعرف إيه اللي نقوله دلوقتي ومناسب وإيه منقولوش ومنغلبش ذاتنا على الموضوع والحكاية مش ماجستير ودكتوراه'.

وعن موقفه من الداعية عبد الله رشدي قال زيدان: 'هو مش شيخ، شيخ إيه دا لسه عنده 40 سنة والا حاجة ولما يبقى عنده 60 سنة نقول عليه شيخ، والشيخ ده مرحلة عمرية مش منصب ومن حيث اللغة وما يوجبه الرأي الصحيح أن الشيخ دي مرحلة عمرية وأنا بتكلم لغويا وقرآنيا'.

وأوضح: 'وحكاية داعية دي مش فاهم لها حاجة إيه داعية دي هو إحنا كفار؟ ما يروح للقبائل الوثنية ويدعو للإسلام ولكن دا اسمه واعظ'.