قال الرئيس عبدالفتاح السيسي، إن هناك أساسيات لا يمكن إغفالها أو تأجيلها، مستشهدًا بما شهده قطاع النقل من تطوير.وأضاف: إحنا بنحط الدولة على أول الطريق، لما تعايشنا مع حالنا اللي قبل كده على مدار السنوات اللي فاتت تصورنا إن ده طبيعي، لا اللي كنتم عايشين في ده مش طبيعي خالص لأي حد.

وتابع: 'مانعرفش كمسئولين أمام الله إننا نبقى فاهمين حاجة ومنعملهاش عشان خايفين الناس تقول ظلمونا وتعبونا.. إحنا نتعب لأجل بكرة ونبني لأجل بكرة'.

قال الرئيس السيسي إن الدولة تسعى من أجل بناء مستقبل للأجيال القادمة، وتوفير الأساسيات التي لا يُمكن الاستغناء عنها، قائلا: 'ما نفذناه من تطوير لا يمكن إغفاله، إحنا يا دوبك بنحط رجلنا على أول الطريق'.

وتابع الرئيس السيسي موجهًا حديثه للمواطنين: 'اللي كنتوا عايشين فيه قبل كده مكنش طبيعي، ولو جبنا الصور القديمة لمحطة القطارات هتعرفوا قد إيه القطاع بكل وحداته كان مهمل'.

جاء ذلك خلال حضور الرئيس عبد الفتاح السيسي، اليوم السبت، افتتاح محطة قطارات صعيد مصر، والمعروفة باسم محطة قطارات بشتيل الجديدة، وذلك بحضور افتتاح المحطة، الدكتور مصطفى مدبولي، رئيس مجلس الوزراء، ولفيف من الوزراء المصريين وعدد من قيادات الدولة، إذ يعتبر هذا المشروع أحد أعظم وأكبر مشروعات النقل في مصر والمنطقة العربية.