كشف حازم إمام، عضو مجلس إدارة اتحاد الكرة السابق، مفاجأة بخصوص بحث مجلس إدارة نادى الزمالك عن مدير فنى جديد بعد رحيل البرتغالى جوزيه جوميز المفاجئ.

وقال حازم إمام في تصريحات إذاعية: 'إن  الزمالك في مشكلة حاليا بعد رحيل جوميز وبيحاول يشوف بديل ليه، الزمالك بيدور على مدرب يكون درب في الدوري المصري وعلى دراية، ولو الخيار هيبقى لمدرب مصري لو جيت بصيت على الساحة، طارق مصطفى بيدرب البنك ومؤمن سليمان في ليبيا وعنده شرط جزائي ثلاث شهور'.

وتابع : 'الزمالك مستبعد فكرة إنه يتعاقد مع أي مدرب موجود مع فريق حاليا وعنده شرط جزائي مثل معين الشعباني وغيره، الزمالك مش بيفكر في كده بسبب الأزمة المالية'.

وأضاف : 'ناس بتقول هاتوا كيروش طبعا هو اسم كبير بس راتبه معدي 100 ألف دولار، أنت جوميز كان 65 ألف ومعرفتش تدفعله مستحقات شهرين هتدفع لكيروش ازاي'.

واتم: 'الزمالك مقبل على مباراة مهمة أمام المصري في الكونفدرالية هيقودها أحمد مجدي مع حازم إمام وعماد المندوه بشكل مؤقت لحين إتمام التعاقد مع مدرب جديد، الأزمة المالية في الزمالك تعوق فكرة المدرب الأجنبي بسبب المرتبات وناس بتقول بيسيرو أو كوبر أو كيروش كل دي أسماء محتاجة دولارات فهل حد منهم يقبل ياخد بالمصري.. خلينا نشوف'.