كشف الفنان أحمد السقا عن تعرضه لمخاطر شديدة أثناء تصوير فيلم 'السرب'، مؤكدا أنه تعرض للموت 4 مرات.

وقال أحمد السقا فى لقاء بأحد البرنامج التلفزيونية : السرب ده من أكتر الأعمال اللي بذلت فيها مجهود ملحمي.. أنا كنت بسافر كل يوم السويس في الفرقة الرابعة، 30 كيلو جوا الجبل بصور وأرجع لمدة أربع أسابيع، وبعدين بقيت أرجع من السويس على مرسى مطروح، ومن مرسى مطروح نروح الميناء رأس غارب ناخد فرقاطة بحرية وننقل المعدات، عشان نصور على مدينة البترول.

وأضاف أحمد السقا : مشهد معركة تحرير السبايا شوفنا فيها الموت 3 أو 4 مرات، وأهم حاجة في الموضوع ده الثبات الانفعالي وسرعة رد الفعل ودي من عند ربنا وفيه مشهد المفروض الجيش الليبي بيساعدني اقتحم مواقع داعش، فبمشي ورا دبابة واخدها ساتر لي لحد ما أوصل للباب، أنا كنت لابس بيادة ورباط البيادة اتفك، وأنا ماشي لقيت نفسي بتسحب والرباط دخل تحت المجنزرة، خلعت الجزمة ورميت نفسي بعيد كنت هبقى بلوبيف.

و فى الفيديو التالى نكشف ما قاله السقا عن فيلم السرب و مسلسل العتاولة ….