تحدث طارق حامد لاعب نادي ضمك والزمالك السابق عبر لقاء على قناه بي إن سبورتس عن تفاصيل مسيرته الكروية في الملاعب.

وقال طارق حامد:'لو لم يتواجد فيريرا مدرب الزمالك السابق في حياتي كنت سأكون لاعبا عاديا، فيريرا من صنع طارق حامد و عمل بصمه كبيرة في حياتي، علمني أشياء كثيرة و كل شيئ في مركزي، أصبحت العب وأنا مغمض و كل شيء أصبح أسهل مع فيريرا'.

وفي إطار آخر قال حامد: 'انتقالي من سموحة لـنادي الزمالك مكنشي سهل ابدا لما كنت في سموحة، والمهندس فرج عامر قال ليا محتاجك معايا في الفريق وخذ الفلوس اللي انت عايزها، قلت له أنا لعبت 4 سنين في الفريق وحاسس اني اديت أقصى حاجه عندي، وحلمي اني أنتقل للزمالك وأحقق إنجازات وأصنع تاريخ'.

وأضاف' وقتها كان كابتن حمادة صدقي المدير الفني لسموحه، ورفض رحيلي بقوة بحجة أنه محتاجني، قلت له أنا بحترمك يا كابتن لكن انت كنت بتلعب في المنيا ومكنشي حد يعرفك، ومتعرفتش إلا لما روحت نادي جماهيري ولعبت للأهلي وبقيت عندك عربيه كويسه والناس بتتصور معاك ليه واقف قدام رغبتي إني العب في الزمالك؟، وقلت له لو وقفت قدامي قسما بالله مش هسامحك وهحسبن وادعي عليك طول حياتي، وقتها وافق وروحت الزمالك'.