أكد الإعلامي عمرو اديب أن بعض الجهات الخارجية حاولت الترويج لتكرار السيناريو السوري في مصر، مشيرا إلى أن هذه الموجة قد انكسرت وأصحابها يعلمون ذلك.

وقال أديب خلال برنامج 'الحكاية' المذاع على قناة 'إم بي سي مصر': 'الناس اللي صرفت على الموجة دي عرفتوا أنها انتهت وهما فعلا دلوقت ابتدوا يدوروا على شكل آخر للكلام أي جذب للتجربة السورية، ويتم تطبيقها على مصر وهذا الأمر لم يؤثر وإن كان زي ما الرئيس قال ممكن يكون في قلق أنا عمري ما بقلق على مصر من برة أنا دائما قلقي على مصر من جوة'.

وأضاف: 'الرئيس قال مصر دولة كبيرة جدا وأنت بتتكلم عن مستوى من الحجم بتاع المليون كم مربع أو الـ 110 ملايين مش هتقارنه بالأوضة وصالة اللي حصلت فيها الأحداث دي'.

وتابع: 'كان في قوة خارجية أسقطت نظام بشار الأسد ولكن سقوط الداخل كان قبل تدخل الخارج جيش وشرطة ومواطنين وسابوا الأمور كده نحن نتحدث عن دولة لم يطلق فيها رصاصة والدولة كانت ساقطة من داخلها مخوخة ومنتهية من داخلها، وكان سقوطها محتاج بعض المجهود فتسقط الدولة ويأتي نظام جديد'.

وواصل: 'النهاردة مثلا كان هناك اجتماع بين وزير الدفاع وقيادات القوات اللي بيحاولوا يضموها للجيش ولقوا في مشكلة بسيطة يا عمي الناس دي ليست خريجة كليات بحرية وجوية وحربية دول شباب ثائر كان في مليشيات هنتعامل معاهم إزاي؟'.

وأكمل: 'هو حاول يصدر لك بس أنك تبقى زيهم وهذا الأمر لم يحدث وهذه الموجة قد كسرت تماما مصر اعتدالها وقوتها من داخلها اقتصاديا وسياسيا وفنيا وثقافيا، مصر قوية من الداخل وقلب مصر هو الأساس اوعى تصدق أي حد ممكن يعملك حاجة من برة'.

واختتم: 'كل التغيير اللي حدث في مصر قد حدث من الداخل المصري، هو عايز ينقلك إيه؟ هو عايز ينقلك أن أنت في نهاية الطريق واتحدى هات لي أي بلد في العالم أحط مليون دولار على الترابيزة أي بلد في العالم يتم توجيه القصف لها مثل مصر'.