وجه الإعلامي مصطفى بكري، رسالة شديدة اللهجة لإسرائيل بعد التلميحات الإسرائيلية بضرب السد العالي، قائلا: 'دا إحنا تاني يوم نبقى في تل أبيب'.

وأضاف مصطفى بكري، خلال تقديمه برنامج 'حقائق وأسرار'، على قناة 'صدى البلد'،: 'قال يعني مفيش عندنا طيران ولا دفاع جوي ولا قوات ولا أي شيء'، متابعا: 'ناس مخها ضارب..انتوا دماغكم ضاربة شمال '.

وتابع: 'أنتم متعرفوش الجيش المصري كويس.. وشوفوا لواءاتكم واللي حصل فيهم من فصائل حماس ومقاتلي فلسطين'، مضيفا: 'اللي هيقرب من مصر هنقطع له رجليه.. وأوعوا تفتكروا إن مصر لينة وإن فيه طائرة تقدر تقوم من تل أبيب وتقدر توصل أسوان'.

وتابع مصطفى بكري: الرئيس السيسي كررها وقال (اللي عملها مرة قادر يعملها تاني)، وصحيفة إسرائيلية تقول إن المواجهة مع مصر وشيكة، وأرد عليهم بأن مصر مستعدة دائما.. ويا ويلكم.