أكد الإعلامي عمرو أديب أن توجيهات الرئيس عبد الفتاح السيسي بشأن إغلاق أفرع بلبن قد حسم الجدل حول ما حدث.

وقال أديب خلال برنامج 'الحكاية' المذاع على قناة 'أم بي سي مصر': 'شفت استجابة الرئيس عبد الفتاح السيسي لمناشدة رئيس مجلس إدارة بلبن لأن الرئيس محطش نفسه في موقف القاضي اللي بيصدر الحكم الرئيس كان كلامه واضح والتوجيه أيه لو سمحتم اقعدوا مع الجهات المعنية والرئيس كل الدور اللي عمله أحال الأمر بكل حكمة وكل احترافيه أنه ياجماعة اقعدوا مع بعض وشوفوا الحكاية'.

وأضاف: 'أقعد مع هيئة سلامه الغذاء ووزارة الصحة والرقابة الإدارية علشان يشوفوا الموضوع ودا لمصلحة المواطن'.

وتابع: 'الرئيس موجهش بحكم ولكن وجه بأن يكون هناك جلسة ونشوف ايه الغلطات ويجب أنكم متكرروهاش، الواقعة القوية لسلسة المحلات دي هتخليها تحت النور أنك بعد كده لازم تاخد بالك كويس أوي وتهتم بالكيف أكتر من الكم'.

وأوضح: 'التوجيه اللي وجهه الرئيس معناه شوفوا الصحة شوفوا الصحيح وخدوا معاهم الإجراءات اللي لازم يتبعوها ولأن محدش على راسه ريشة في البلد والناس كلها لازم تراعي سلامة المواطن والصوت'.

وواصل: 'اللي اتعمل مع بلبن هيكون عبرة لمن يعتبر وأن الدولة جادة جدا أنها تطبق المعايير الصحية اللازمة في سوق الغذاء، سوق الغذاء في مصر كبير جدا وفيه مليارات والمصريين عندهم استمتاع بهذا السوق ودرجاته'.

واختتم: 'توجيه الرئيس فيه جانب له علاقة بلبن والصحة والناس تقعد مع بعضها وفي جانب أخر له شكل سياسي، أن امبارح المحللين العظماء اللي قاعدين واللي قالك شفتوا الراجل خلصوا عليه ويأتي قرار الرئيس النهاردة ليقضي على كل ذلك'.