علق الإعلامي عمرو أديب على الانتقادات التي وجهت إليه بعد تصريحاته بشأن هجرة الأطباء مشيرا إلى أن البعض يعلق على عناوين دون معرفة التفاصيل.

وقال أديب خلال برنامج 'الحكاية' المذاع على قناة 'أم بي سي مصر': 'حبيت أكون محدد أكتر لأن عندنا مأساة أن ناس بتعلق على خبر أو فيديو وحسيت أن الناس مش فاهمة ايه اللي حصل وكتبت تويته تشرح موقفي من الحكاية وقلت أن الدولة لازم توفر دخل للأطباء وتحميهم عشان نقدر نحافظ على الأطباء في مصر'.

وأضاف: 'سألت نفسي سؤال ولو امبارح قلت يا جماعة خلوا الأطباء يسافروا وكل واحد ياكل عيش وينبسط كان هيبقي رد الفعل ايه؟ البلد فيها مشكلة طب ومشكلة أطباء وممرضين والمداخيل قليلة فعلا وعندنا أكتر من 100 ألف طبيب وكل سنة بيسافر 7 آلاف'.

وتابع: 'الدكاترة اللي بيسافروا العيب مش فيهم هل أنت عايزيني أدعو لهجرة الأطباء ولقيت أطباء زعلانين وبيقولوا أنت عارف احنا بناخد كام ما أنا عارف أنت الدخل قليل'.

وأوضح: 'ولقيت ناس بتقول طيب وأنت، أنت بتقارنني أنا بالدكتور أي وظيفة تاني أي غلطة منة تقدر تعوضها ولكن الطبيب غير الجيد أو غير الموجود مشكلة'.

وأكمل: 'الدكتور غير أي حد محدش قال متخدوش فلوس ولكن أنا مشكلتي أني بحط أيدي في الحاجة اللي ناس كتير متحبش تقربلها ويكفي أن النهاردة البلد بتتكلم في الموضوع ده والقضية محطوطة على المائدة'.

وأوضح: 'طيب أنا عملت لك أيه؟ يا عم سافر ياعم سافروا كلكم وسيبوا البلد، أنا شايف لازم نعمل أي حاجة ولازم البلد تتصرف، الموضوع بقي بتاع نقعدهم سنتين أو تلاتة دا كان اقتراح مش مني هو حضرتك النهاردة كطبيب أو طبيبة اخدت الشنطة وسافرت حد هيمنعك؟'.

واختتم: 'أنا بفكر في العالم اللي موجودة هنا وفي ناس زعلت أني بقول الطب رسالة طيب مش رسالة ولما المجتمعات بيكون فيها أزمات اقتصادية كل بيبقي لنفسه، سافر متزعلش ولكن اديني فرصة اناشد الحكومة أنها تحافظ على الموجودين'.