أكد الإعلامي عمرو أديب، أن رسالة الإدارة المصرية إلى صندوق النقد الدولي بشأن اتفاق البرنامج الاقتصادي قد وصلت إليه.

وقال أديب خلال برنامج 'الحكاية' المذاع على قناة 'إم بي سي مصر': 'تابعتم الرسالة المباشرة التي أرسلتها الدولة المصرية لصندوق النقد الدولي على لسان الرئيس عبد الفتاح السيسي لما قال إن لو الاتفاق بتاع الصندوق ده هيمثل ضغط على المواطن المصري احنا عايزين نتكلم في الموضوع'.

وأضاف: 'الرسالة كانت واضحة ووصلت للصندوق وطلع أحد الصحفيين وسأل مدير عام الصندوق سؤال له علاقة بهذا الامر وقال ياجماعة هل أنتم كصندوق ممكن تعيدوا النظر في الاتفاق؟ هل الصندوق قادر أن يعمل الكلام ده؟'.

وتابع: 'إتفاقك مع الصندوق مؤثر في أشياء كثيرة وأنا جبت المقطع نفسه لأني لقيت الناس اللي بتنقل عن الصندوق كل واحد بينقل الجملة اللي تعجبه عشان تعرفوا هي قالت ايه، الست قالت هي جاية في ظرف 10 أيام وردها على أن مصر بتقول ياجماعة الاتفاق تقيل على الناس منه مثلا عشان تعرف أنه مؤثر عليك أن الصندوق يتوقع أنك ترفع الدعم عن المحروقات بنهاية العام القادم'.

وواصل: 'لما تقعد مع الصندوق وتقوله ممكن نزود الفترة دي الرؤية المصرية، لأن كمان أنت عارف أن عليك في ظرف سنة 37-38 مليار دولار التزامات لازم تدفعها وارجوكم انسوا صفقة رأس الحكمة احنا مصاريف البلد كتير'.

وأكمل: 'أنا دايما عندنا مشكلة لما باجي أتكلم عن الصندوق ده؛ حماس مديرة صندوق النقد لطلبك لا يتعدي الـ30-40% محتاجين نحط مجهود كبير عشان نقدر نعمل شوية تعديلات في هذا الاتفاق والست واضحة قالت من الأفضل أن نعمل الإصلاحات عاجلا مش أجلا وقالت لو الإصلاحات اتأخرت تمنها هيبقي غالي جدًا'.

وذكر: 'قالت لا تتوقعوا مني أن احنا نتظاهر أننا نقدر نعمل حاجة ممكن تضر الاتفاق ولغاية اللحظة حماس هذا الكيان اللي طالب منه ليس عاليا، كل الناس اللي بتقولك هو ايه يعني الصندوق ايه 800 مليون القسط اللي بيدفعهم إحنا بنتغرر بيهم الصبح المسألة أن الفلوس مشروطة بإصلاحات والإصلاحات دي تمثل ضغط على المواطن المصري والنهاردة تشوف المسؤول عن الشرق الأوسط في الصندوق بيقول إيه الموضوع ليس أنه بيديلك قرشين، بيقولك والله إحنا شايفين الاتفاق ممكن نشوف نعمل فيه إيه، ولكن في حاجات متعملتش زي سعر العملة'.