تفاصيل مثيرة كشفها فرد الأمن بالتحقيقات في قضية إمام عاشور، لاعب النادي الأهلي، واتهامه بالتعدي على فرد أمن بمول بالشيخ زايد، لتعرض زوجته للمضايقة والمعاكسة على يد مجموعة من الأشخاص داخل المول.

أكد فرد الأمن قائلا: إن إمام عاشور لما لقاني أغم عليا وقف الناس اللي معاه ومخدتش بالي مين اللي بيقوقني واتفاجئت إن في ماية بتتدلق عليا عشان أفوق، وبعد كدا فوقت وأفراد الأمن جابولي كرسي وقعدوني عليه، ولما إمام عاشور لاقني فوقت شوية أخذ الناس اللي معاه ومشيوا، وبعد كدا نزلت على مكتب الأمن لغاية لما فوقت شوية واتوجهت للصيدلية بصحبة فرد أمن عشان أجيت علاج وبعد كدا فضلت قاعد في مكتب الأمن لحين انتهاء فترة عملي وتوجهت مع السيارة الخاصة بالعاملين بالمول إلى محل سكني.

وأوضح قائلا: بعد كدا قمت بالتواصل مع إدارة الأمن وأفادوني بعمل المحضر اللازم وتوجهت على قسم الشرطة وعملت محضر باللي حصل وطلعت على مستشفى الشيخ زايد المركزي عشان أكشف على نفسي وأثبت إن فيا إصابات وجيت على النيابة، وهو دا اللي حصل.

وقال فرد الأمن خلال التحقيقات: أنا اسمي عبدالله مصطفي، وشغال مشرف أمن بمول بالشيخ زايد منذ سنة تقريبا، وعدد ساعات العمل بتاعتي هي 8 ساعات كل يوم، وأنا ببدأ الشغل بتاعي من الساعة 12 منتصف الليل وحتى الثامنة صباحًا، وما حدث إني كنت في شغلي في الوقت اللي حصلت فيه الواقعة يوم الأربعاء كنت أنا مشرف أمن مول، وكان معايا في الوقت أفراد الأمن زمايلي، وبحكم إني مشرف الأمن في الوقت دا كنت بتابع الحالة الأمنية للبوابات، فوجئت حوالي الساعة السابعة إلا ربع صباحًا في عربية جت وقفت قدام بوابة المول الرئيسية ونزل منها إمام عاشور وكان في الوقت دا معاه اتنين تقريبا، وأنا معرفش مين الاثنين الثانين دول.

وأضاف قائلًا: وفي الوقت دا كان في عربيتن ثلاثة واقفين قدام المول وكان فيهم شباب ومعرفش مين الشباب دول وأول لما إمام عاشور دخل المول الناس دي دخلت وراه على طول، وكلهم كانوا حوالي من 10 إلى 15 شخصا، وبعد كدا اديت إشارة للأفراد بتاعت الأمن لعدم التعرض لأحد وأنا بعد كدا وبصحبتي أفراد الأمن دخلت وراهم وتتبعت الموقف وساعتها إمام عاشور دخل من البوابة اللي أنا كنت عليها واستخدم السلم الكهربائي ونزل الباركينج ومعرفش هو نزل الباركينج ليه ساعتها، وقتها أنا قولتله يا كوتش مينفعش اللي بتعملوا دا طب أفهم في إيه، رد عليا بعصبية وقالي أنتو عالم “….....” وقال لفظ مش كويس، وأنا مراتي اتعاكست وأنا في الوقت دا قولتلو بلاش ألفاظ ومينفعش، وبعد كدا اتعصب وحاول يشدني من القميص وحاولت أجري منه وساعتها هو جري ورايا وزقني ووقعني على الأرض وبدأ الضرب كان في رجلي وضهري وراسي من الشباب اللي كانت معاه في الوقت دا وأنا في الوقت دا اغم عليا للحظات.

أوشكت النيابة العامة بالشيخ زايد على الانتهاء من التحقيقات في اتهام إمام عاشور لاعب النادي الأهلي بالتعدي بالضرب والسب على فرد أمن في مول أركان بالشيخ زايد بعد مواجهة اللاعب بفيديو المشاجرة ثم إخلاء سبيله بكفالة 5 آلاف جنيه.

واستعجلت النيابة برئاسة المستشار إيهاب العوضي رئيس نيابة أول وثان الشيخ زايد التحريات النهائية لإدارة البحث الجنائي بمديرية أمن الجيزة حول الواقعة وفور استلامها سيتم إحالة إمام عاشور إلى محكمة الجنح.

17يومًا كاملة قضتها نيابة الشيخ زايد في جمع جميع الخيوط؛ لكشف حقيقة مشاجرة إمام عاشور، لاعب نادي الأهلي، داخل مول بالشيخ زايد، بعد تداول مقطع فيديو يظهر اللاعب يقتحم بوابة المول ويشتبك مع أفراد الأمن تلاه محضر شرطة حرره أحد أفراد الأمن يتهم فيه 'عاشور' بالتعدي عليه بالضرب وسبه بأبشع الألفاظ.

تحقيقات موسعة باشرتها النيابة برئاسة المستشار إيهاب العوضي، رئيس نيابة أول وثان الشيخ زايد، تحت إشراف المستشار عمرو غراب، المحامي العام الأول لنيابات أكتوبر الكلية، قامت خلالها بالاستماع لكل الأطراف القريبة والبعيدة، حيث ذكر عبدالله مصطفى، فرد الأمن المجني عليه، عن اقتحام إمام عاشور المول وتطاوله عليهم بالسب بألفاظ بذيئة، مدعيًا تعرض زوجته للمعاكسة والتحرش وتغاضي أفراد الأمن بالمول عن الأمر عندما استغاثت بهم، كما قال فرد الأمن إن اللاعب إمام عاشور طرحه أرضًا؛ مما تسبب في فقدان وعيه.

في سبيل التأكد من رواية فرد الأمن واصلت النيابة استدعاء جميع الأطراف في الواقعة واتخاذ العديد من الإجراءات، حيث تم الاستماع لأقوال مدير أمن المول وعدد من زملاء المجني عليه شهود العيان على الواقعة إضافة لمراجعة كاميرات المراقبة في مداخل ومخارج المول ومحيط قاعات السينما، وهو ما لم يسفر عن وجود ما يشير إلى تعرض زوجة إمام عاشور إلى التحرش أو المعاكسة.