×



klyoum.com
egypt
مصر  ٢٧ تموز ٢٠٢٥ 

قم بالدخول أو انشئ حساب شخصي لمتابعة مصادرك المفضلة

ملاحظة: الدخول عن طريق الدعوة فقط.

تعبر المقالات الموجوده هنا عن وجهة نظر كاتبيها.

klyoum.com
egypt
مصر  ٢٧ تموز ٢٠٢٥ 

قم بالدخول أو انشئ حساب شخصي لمتابعة مصادرك المفضلة

ملاحظة: الدخول عن طريق الدعوة فقط.

تعبر المقالات الموجوده هنا عن وجهة نظر كاتبيها.

موقع كل يوم »

اخبار مصر

»سياسة» الرئيس نيوز»

تامر أمين: اللي بتعملوه في الساحل حرام.. عايزين تبقوا شلة شياطين قاعدين في الساحل الشرير؟

الرئيس نيوز
times

نشر بتاريخ:  الأثنين ٢١ تموز ٢٠٢٥ - ٢٣:٥٠

تامر أمين: اللي بتعملوه في الساحل حرام.. عايزين تبقوا شلة شياطين قاعدين في الساحل الشرير؟

تامر أمين: اللي بتعملوه في الساحل حرام.. عايزين تبقوا شلة شياطين قاعدين في الساحل الشرير؟

اخبار مصر

موقع كل يوم -

الرئيس نيوز


نشر بتاريخ:  ٢١ تموز ٢٠٢٥ 

علق الإعلامي تامر أمين على حالة البذخ والإنفاق غير المحدود من الموجودين في الساحل الشمالي، مشيرا إلى أن ما يقومون به خطأ على المستوى الاجتماعي ومحرم على المستوى الديني.

وقال أمين خلال برنامج 'آخر النهار' المذاع على قناة 'النهار': 'كلاكيت تاني مره للحديث عن المسألة الساحلية مسألة الساحل لو تفتكروا الأسبوع اللي فات أنا كلمت حضراتكم عن فكره الساحل وناس الساحل خصوصا الساحل الشرير وحالة التباهي وحالة الفشخره الكذابة اللي موجودة عند ناس الحقيقة عددها مش قليل'.

وأضاف: 'فكرة الاستعراض فكرة إنه شوف أنا معايا كام شوف أنا فيلتي بكام شوف أنا راكب عربية عاملة إزاي شوف أنا ساعتي تسوى كام شوف أنا بأكل بكام حالة التنافس اللي فيه سعار ده حوالين الاستعراض والفشخرة الكذابة'.

وتابع: 'كلمتكم الأسبوع اللي فات عنها بمنطق الاجتماعي بمنطق الاجتماعي والنفسي قد إيه هي اجتماعية خطيرة، لأنها بتهد الهرم الاجتماعي والتركيبة الاجتماعية ونفسيا أخطر عليهم اللي بيعملوا كده وعلى طبعا الطبقات بقى الثانية المتوسطة وتحت المتوسطة والفقيرة اللي بتشوف هذا الكلام فيحصل لها احتقان'.

وأوضح: 'بس النهاردة إذا كان كلامي ما جابش نتيجة مع هؤلاء الفشخرنجية بالاجتماع وبالنفس بالعقل وبالمنطق وبالحسنى وبالهدوء يمكن يجي معاهم بالدين'.

وأكمل: 'إلا تعلمون ان اللي حضراتكم بتعملوه ده اللي بيعمل كده اللي هي الفشخرة الكذابة والتباهي، ودفع الفلوس الزيادة والحاجة ابو جنيه أجيبها ب 10 طالما أنا قادر وموجود في الحتة بتاعة الأثرياء اللي معاهم الألومونيا بكثرة هل تعلمون أن ده حرام؟ حرام مش مكروه مش لطيف مش ما يصحش حرام'.

وواصل: “وطالما دخلنا في الحرام والحلال يبقى أكيد مش كلامي ده كلام ربنا سبحانه وتعالى وأحاديث الرسول للنبي المصطفى محمد صلى الله عليه وعلى آله وصحبه وسلم”.

'وذكر: 'ليه حرام؟ لأن ده داخل في بابين باب الكبر وباب التبذير والاثنين محرمين بنصوص قرآنيه ربنا سبحانه وتعالى حرم علينا الكبر الكبر يعني إيه؟ يعني ما تتكبرش على حد ما تستعرضش على حد ما تتفشخرش على حد'.

واختتم: 'ثم التبذير إن ربنا إداك نعمة إنت مسؤول ومؤتمن عليها مسؤول ومؤتمن عليها ربنا هيسالك كيف اكتسبتها وفيما أنفقتها مش بس كيف اكتسبتها أنها من حلال ما هو ممكن تبقى الفلوس من حلال بس بتصرفها في إيه بتصرفها في فشخرة بتصرفها في منظره، إن المبذرين كانوا إخوان الشياطين والعياذ بالله حضرتك عايز تبقى أخو الشيطان ولا أبن عمه بقى ولا إبن خالته عايز تبقى شله شياطين قاعدين هناك في الساحل الشرير بترموا فلوس في الأرض'.

الرئيس نيوز
موقع إخباري متخصص في الشأن السياسي المصري والعربي والدولي .. هنا تجد التحليل والكواليس
الرئيس نيوز
موقع كل يومموقع كل يوم

أخر اخبار مصر:

الشروع في قتل شاب بمشاجرة مسلحة بسوهاج.. والأمن يتدخل

* تعبر المقالات الموجوده هنا عن وجهة نظر كاتبيها.

* جميع المقالات تحمل إسم المصدر و العنوان الاكتروني للمقالة.

موقع كل يوم
4

أخبار كل يوم

lebanonKlyoum.com is 2096 days old | 1,025,322 Egypt News Articles | 47,661 Articles in Jul 2025 | 1,432 Articles Today | from 23 News Sources ~~ last update: 12 min ago
klyoum.com

×

موقع كل يوم