أكد الإعلامي عمرو أديب أن مصر الدولة الوحيدة في المنطقة التي عاشت ويلات الحرب لسنوات طويلة من أجل العزة والكرامة الوطنية.

وقال أديب خلال برنامج 'الحكاية' المذاع على قناة 'أم بي سي مصر': 'في العالم العربي في أي وقت هل في حد قرر يحارب؟ هي مصر بس.. عايز تدخل إسرائيل تعالي هات صواريخك وطياراتك ادخل حرر القدس واحنا كلنا وراك اللي عايز'.

وأضاف: 'لكن أيه يا جماعة الوقاحة اللي بيتم التعامل بيها مع مصر دي؟ مصر كبيرة ولولا مصر كان في أشياء كثيرة اتغيرت في التاريخ ومصر حجر عثرة أمام أشياء كثيرة وفي أصعب حالاتها أنت ليك قيمة وليك وزن'.

وتابع: 'أمريكا تعرف وزن مصر والصين تعرف وزن مصر وروسيا تعرف وزن مصر الوحيدين اللي ميعرفوش وزن مصر هم أقرب الناس ليك'.

وواصل: 'عندما يتحدث أي أحد عن الحرب يبقي عارف هو بيقول أيه إحنا اللي عيشنا الحرب وبوظنا اقتصادنا وعملنا كل الحاجات دي عشان العزة والكرامة الوطنية كان في وقت لما مصر حاربت كان ورانا العالم العربي كله'.

واختتم: 'للأسف يتم استخدام الدين في هذا الأمر، الخطاب ديني الجهاد والاستشهاد والمقاومة ويتم استخدام هذا الأمر بشكل متكرر فالشباب الورع المتحمس يقول أيوة ليه مش بنحارب؟ وقت الرئيس السادات لما كانوا بينزلوا الطلبة في الجامعة كان بيتشتم بأقذع الشتايم'.